Posts

Showing posts from January, 2007

ஆகாதா

வழிந்தோடும் கண்ணீரில் ஒதுச்செய்து
அடர்ந்த இருளில் தவித்துக்கிடக்கும்
சூரியனோடு இணைந்து நிய்யத்துச்செய்து
நடு நடுங்கும் பத்து விரல்களையும் உயர்த்தி
புறாவின் சிறகுகளாய் விரித்து
நோண்பும் தொழுகையும்
துவாக்களுமாய் அழுததற்கு
அழுதழுது கரைந்ததற்கு
அளவற்ற அருளாளன்
அருள்பவனாகவே இருக்கிறான்
ஆனால்
அனைத்தும் அறிந்த அவன் அருளும்
அந்த உயர் அருளை அவமதித்து
மீண்டும் அழுதுகிடப்பது
அறிவின்மை மட்டுமல்ல
அவன் அருளை நிராகரிக்கும்
அவலச் செயலும் ஆகாதா!