Posts

Showing posts from 2017
இரண்டே சாதிகள்தாம் உண்டு
அறம்-தர்மம்-ஹலால் வழிநடக்கும் மேலானோர் ஒரு சாதி
அறமற்ற-அதர்ம-ஹராம் வழிநடக்கும் கீழானோர் மற்றொரு சாதி
இதை நான் சொல்லவில்லை
சாதி இரண்டொழிய வேறில்லை சாற்றுங்கால் நீதி வழுவா நெறிமுறையின் மேதனியில் இட்டார் பெரியோர்
ஓடி விளையாடு பாப்பா, - நீ
ஓய்ந்திருக்க லாகாது பாப்பா,
கூடி விளையாடு பாப்பா, - ஒரு
குழந்தையை வையாதே பாப்பா.

சின்னஞ் சிறுகுருவி போலே - நீ
திரிந்து பறந்துவா பாப்பா,
வண்ணப் பறவைகளைக் கண்டு - நீ
மனதில் மகிழ்ச்சி கொள்ளு பாப்பா.

கொத்தித் திரியுமந்தக் கோழி - அதைக்
கூட்டி விளையாடு பாப்பா,
எத்தித் திருடுமந்தக் காக்காய் - அதற்கு
இரக்கப் படவேணும் பாப்பா.

பாலைப் பொழிந்துதரும் பாப்பா, - அந்தப்
பசுமிக நல்லதடி பாப்பா;
வாலைக் குழைத்துவரும் நாய்தான் - அது
மனிதர்க்குத் தோழனடி பாப்பா.

வண்டி இழுக்கும்நல்ல குதிரை - நெல்லு
வயலில்உழுதுவரும் மாடு,
அண்டிப் பிழைக்கும் நம்மை
சாதிகள்
இல்லையடி பாப்பா
குலத் தாழ்ச்சி
உயர்ச்சி சொல்லல்
பாவம்

என்றான்
பாரதி

அவன்
கடவுள் நம்பிக்கை
இல்லாதவனும்
அல்லன்

இந்து மதத்தை
எதிர்த்தவனும்
அல்லன்

அன்புடன் புகாரி
மச்சான், நம் பிள்ளைகளைக் காப்பதற்கான ஒரே வழி, வீட்டில் குடும்ப அன்பும், 
இஸ்லாம் தரும் அறமும்,
தமிழ் தரும் பண்பாடும்தான். அந்த அரணுக்குள் நுழைவது எளிதல்ல. நாங்கள் இங்கே கனடாவில் ஊரில் வாழ்வதைவிட பாதுகாப்பாக நன்றாகவே வாழ்கிறோம். அன்புடன் புகாரி
Quote என்ற சொல்லைத் தமிழில் அழகாகச் சொல்வதெப்படி? பஞ்ச் என்கிறார்கள் சிலர் நச் என்கிறார்கள் சிலர் குறிப்பு என்கிறார்கள் சிலர் நீங்கள் என்ன சொல்கிறீர்கள் செ. இரா. செல்வக்குமார்
மணி மணிவண்ணன்
Semmal Manavai Mustafa
Ramasami Elanthai
Krishnan Ramasamy
Lion Mansure Pm சொன்னவை: கூற்று
கூற்றுகள்
கூறுகை
கேட்டிகை
மேற்கோள்
கோள்
நறுக்கு நறுக்குத் தெறித்த மாதிரி என்று பாட்டிகூட சொல்வார்கள். கூற்று, நறுக்கு இரண்டும் என் மனப்பக்கம் நெருங்குகின்றன கூற்று என்பதை கூறுகை எனும்போது கொடேசன் என்பதோடு பொருந்துவதாய்ப் படுகிறது Quotes - கூற்றுகள் Best Quotes - நறுக்குகள் Quotation - கேட்டிகை, கூறுகை அன்புடன் புகாரி
>>>ஓரினச்சேர்க்கை என்பது ஒருவகை உளவியல்ரீதியான, உடல்ரீதியான பிரச்சனை.<<< நானும் அதைப் பிரச்சினை என்றுதான் சொல்கிறேன். உடல் ரீதியான என்பதைக் காட்டிலும் உளவியல் ரீதியான என்பது மிகவும் சரி. நாம்தான் நம் மருத்துவ அறிவியலால் அவர்களைக் காக்கவேண்டும். >>>அது தானாகவே தோன்றுமொரு ஹார்மோன் மாற்றம். இதையும் அப்படியே விட்டுவிட வேண்டும்.<<< சில மாதங்களுக்குமுன் பிறந்த குழந்தை ஒன்றை சமையல் செய்து தட்டில் ஏந்திக்கொண்டு வந்து கூட்டாக நின்று வெட்டித் தின்னக் காத்திருப்பதாக வீடியோக்கள் வந்தன கண்டீர்களா? தானாகவே தோன்றும் பசி என்று அப்படியே விட்டுவிட வேண்டும் என்றா சொல்கிறீர்கள்? அன்புடன் புகாரி
பாஸ்கர், கனடா இது எனது சபரிமலை சென்ற நினைவுகளை திருப்பித. தந்தது. எருமேலி சென்றவுடன், வாவர் பள்ளிவாசலில் வாவரை வணங்கி அங்கிருந்த சாஸ்தா ஆலயத்திற்கு ஆடிக்கொண்டே செல்வது இன்றும் இருக்கும் நடைமுறை. என் நினைவுகள் சரியாக இருந்தால் அந்த பள்ளிவாசலில் திருநீறு கூடத்தருவார்கள். சிறுவயதில் சென்றது. வாவர் பற்றிப் பாடும் ஒரு ஐயப்பன் பாடல் கூட உள்ளது. https://m.youtube.com/watch?v=6C9ywU9cOYc பாஸ்கர், நீங்கள் அறிந்திருக்க வாய்ப்பில்லை என்பதால் ஓர் உண்மையை நான் இங்கே சொல்லியாக வேண்டும். அப்போதுதான் புரிதல் வலுப்படும். வாவர் என்பது ஒரு பெரியவரின் பெயர். சூஃபி முஸ்லிம்கள் இவரை அவுலியா என்று அழைப்பார்கள். இவர் போல நாகூர் முத்துப்பேட்டை ஹாஜிஅலி என்று ஏராளமான இடங்களில் இதுபோன்ற பெரியவர்களின் அவுலியாக்களின் சமாதிகள் உண்டு. பள்ளிவாசல் என்பதும் தர்கா என்பதும் ஒன்றல்ல. பள்ளிவாசல் என்றால் அதனுள் ஒன்றுமே இருக்காது. ஒரு சுத்தமான இடம். இறைவனைத் தொழுவதற்காக. இங்கும் அங்குமாக சில குர்-ஆன் பிரதிகள் மட்டுமே இருக்கும். வேறொன்றையும் காணமுடியாது. ஆகவேதான் சுத்தமான எந்த இடமும் பள்ளிவாசல் ஆகிவிடும். பயணம் செல்லும்போது ப…
என் வாட்சப் குழுமத்தில் ஒரு சுவாரசியமாக உரையாடல். அதில் இன்று இப்போழுது இட்ட ஒரு மறுமொழி உங்கள் பார்வைக்கு: அன்பினிய நண்பருக்கு (பெயரை நீக்குகிறேன்), 1. அறிவுடைய இந்துக்களுள் சிலர் மோடியை ஆதரிக்கிறார்களே 2. மோடியின் or RSSன் அறமற்ற செயலை சில அறிவுடைய இந்துக்களும் ஆதரிக்கிறார்களே இதில் 1 பிழை 2 பிழையில்லை என்கிறீர்கள். இரண்டுக்குமான வேறுபாட்டை மிக நுணுக்கமாகக் கொண்டுவருகிறீர்கள். அதாவது அ. மோடியின் அறமற்ற செயலை ஆதரிப்பது பிழை
ஆ. அறிவுடைய இந்துக்களுள் சிலர் மோடியை ஆதரிப்பது பிழையில்லை அதாவது இதில் நுணுக்கமாக நீங்கள் கொண்டுவரும் கருத்து என்னவென்றால், a.மோடி என்பவர் அறமற்ற செயலைச் செய்கிறார்.
b.அப்படிச் செய்யும் செயலைத்தான் நாம் ஆதரிக்கக் கூடாது
c.ஆனால் மோடியை ஆதரிக்க வேண்டும். இனி கீழே உள்ள உரையாடலைப் பாருங்கள்: ================================
நண்பர் 2:
Dont think this will happen anytime soon. We are still evolving to become humane
Same thing happened on a mass scale when Modi was CM of Gujarat அன்புடன் புகாரி
அறிவுடைய இந்துக்களுள் சிலர் மோடியை ஆதரிக்கிறார்களே? என்ன காரணமாக இருக்கும்?
=======…
அருமையான கவிதையை அப்பொழுதே எழுதியுள்ளீர் கவிஞரே! உங்களைத் தூண்டி கவியுலகுக்குள் ஈர்த்த உங்கள் தமிழ் ஐயாவைப் (பேராசிரியர் திரு மன்சூர் அலி) போற்றுதல் எம் கடனுமாம். வாழ்க அவர்கள்! ''சிறுவனுக்கு''ச் சிறந்த கவிதைகளை பெருந்துணையாம் கருத்துகளைப்பற்றி இயற்ற ஊக்கிய பெருமை ஐயாவுக்கே. - முனைவர் செல்வா

*

இவ்வேளையில் என் பள்ளித் தமிழாசிரியர், என்னை எப்போதும் வகுப்பில் கவிஞரே என்று அழைக்கும் திரு கிருட்டிணன் அவர்களைப் பற்றிச் சொல்லாமல் விட்டால் நான் குற்றவாளியாகிவிடுவேன்.

என் கவிதைகளை வகுப்பில் கறும்பலகையில் எழுதி அதை மேம்படுத்துவார், பாராட்டுவார், அசை பிரித்துக் காட்டுவார், அணிகளைக் குறிப்பிட்டு மாணவர்களுக்குப் பாடம் எடுப்பார்.

மனதில் பதியும் வண்ணம் எழுத்து, அசை, சீர், தளை, அடி, தொடை சொல்லித் தந்த என் பள்ளி ஆசிரியர்.

இப்போது நான் எல்லாவற்றையும் விட்டுவிட்டு கொஞ்சம் அசை, கொஞ்சம் எதுகை கொஞ்சம் மோனையோடு புதுக்கவிதைகள் எழுதுகின்றேன் இசைக்கவிதைகளும் எழுதுகின்றேன்

அன்புடன் புகாரி
20171212
காமராஜரைத் தோற்கடித்தது திராவிடர் கழகம் அல்ல. காமராஜர் தோற்பதை அண்ணாவே விரும்பவில்லை. ஆனால் காமராஜர் தன் தொகுதியில் தோற்கடிக்கப்பட்டார். காரணம் தெரியுமா? இந்தி எதிர்ப்புப் போராட்டத்தில் யார் சுனாமியாய் நின்றார்களோ அவர்களைத்தான் தமிழர்கள் நேசித்தார்கள், வெல்லச் செய்தார்கள். தமிழர் தமிழ் தமிழ்மண் இந்த உணர்வு பூர்வமான தங்கச் சங்கிலி மிக மிக உறுதியானது. அதை அழிக்க இதுவரையிலான அத்தனை மத்திய அரசின் முயற்சிகள் எல்லாம் படு தோல்வி. இப்போது மிக அதிக அளவில் கொடூரம் தமிழனுக்கும் தமிழுக்கும் தமிழ் மண்ணுக்கும் நடக்கிறது. மீண்டும் வெல்வது தமிழும் தமிழனுமாகவே இருப்பான் என்பதில் அசைக்க முடியாத நம்பிகையோடு நான் இருக்கிறேன். மற்றபடி அறமற்ற செயலில் தமிழன் ஈடுபட்டால், நான் நிச்சயம் கண்டிக்கவே செய்வேன். இதுவரையிலான திராவிட தலைவர்களை நான் விரும்பியதில்லை. ஆனால் தமிழ்மண் காக்கும் தமிழ் காக்கும் திராவிட கட்சிகளை நான் வரவேற்கிறேன் ஆதரிக்கிறேன் போற்றுகிறேன் புகழ்கிறேன் அன்புடன் புகாரி
குடும்பம் என்பதை உணர முதலில் அன்பு வேண்டும் உழைப்பு இல்லாதவர்கள் குடும்ப அரசியல் செய்து பிழைப்பார்கள் அதைத் தடுக்க அறிவும் தலைமையும் அவசியம் அன்புடன் புகாரி
20171208
அமெரிக்க கனடியர்களின் பண்பாடு சிறப்பானது. மாற்றுக் கருத்தே இல்லை. ஆனால் அவர்கள் கலாச்சாரத்தில்யே இல்லாத மத ஒழுங்குகளிலேயே இல்லாத சில விடயங்கள் மேற்குலக பெரு நகர வீதிகளில் உண்டு. 1. மருந்து - இது அவர்கள் கலாச்சாரம் அல்ல. அவர்களையும் கொன்றழிக்கும் கலாச்சாரம். பெரிய நடிகர்கள் எல்லாம் இதில் சிக்கி செத்ததையும் சாவதையும் அறிவீர்கள் 2. ஆண்+ ஆண், பெண்+ பெண் திருமணங்கள் மற்றும் உறவுகள் - அவர்களின் அற வாழ்வில் இது இல்லை. சமூகத்தை அழிக்கும் கொடுநோய் 3. திருமணமற்ற ஒற்றையர் வாழ்க்கை - இது அவர்களுள் பெரும்பாலானவர்கள் இருக்கும் கிருத்துவ மதத்தில் இல்லை. திருமணமற்றவர்கள் சேவை செய்வோர். அவர்கள் புனிதர்களாய் இருப்பர். இவை போன்றவை தவிர்த்த மற்ற பழக்கங்கள், வழக்கங்கள், உழைப்பின் மீதான் நம்பிக்கைகள், நன்றி சொல்லும் பாங்கு, உரையாடும்போது செவி திறக்கும் நேர்த்தி, தினமும் இன்முகம் காட்டும் பண்பு, ஊழலலற்ற ஆட்சியமைப்பதில் ஒவ்வொருவருக்குமான பற்று என்று பல விடயங்களை அடுக்கிக்கொண்டே செல்லலாம். அத்தனையும் அருமையிலும் அருமை. அன்புடன் புகாரி
அறிவை விட
அறமே உயர்ந்தது

எத்தனை
முட்டாளாய் இருந்தாலும்
பரவாயில்லை

அறவழி பூண்டோரே
மனிதர்கள்

மற்றோர்
விலங்கினும்
கீழானோர்

அன்புடன் புகாரி
தீராமல் தணியாமல்
தடையற்றுக்
கொட்டிக்கொண்டிருக்கிறாள்
தண்ணீர்க் கவி வரிகளை
உலகக் கவிதாயினி
நயாகரா

அலுக்காமல் சலிக்காமல்
அறைநொடியும் இமைக்காமல்
ரசித்துச் சிலிர்க்கிறீர்கள்
ரசிகமணி முத்துக்கள்

நான்தான்
நயாகரா ஆகமாட்டேனா

அல்லது 
என் தமிழ்க் கவிதைகள்தாம்
நெஞ்ச நெடு ஓட்டங்களில்
தீர்ந்துபோக வேண்டுமா

இதோ
என் நீள் கவிதைகள்

சீர்மிகு செவிகள்கூடி
சுக நடனம் ஆட ஆட

அரங்க மேடைகளில்
நின்று பொழிந்த பேரருவிகள்

அன்புடன் புகாரி
ஒன்றிரண்டாய்க் கவிவரிகள்
ஒளிந்தொளிந்து முகங்காட்ட
அன்றுஅந்த இளவயதில்
ஆவல்பொங்க எழுதிவைத்தேன்

சொல்லொன்றில் ஏழெழுத்து
சொத்தையதில் மூன்றெழுத்து
சொல்லிநின்ற சேதிகூட
சொந்தமல்ல கேள்விவழி

உள்ளத்தின் பரப்புகளை
உழுதுநின்ற உணர்வுகளைச்
சொல்லும்சுவை நானுணர்ந்தேன்
சொன்னமொழி என்மொழிதான்

வென்றுவிட்ட நினைவெழுந்து
வெள்ளலையாய் வந்துமோத
கன்றுமனத் துள்ளலோடு
கவிஞனெனக் கண்சிலிர்த்தேன்

பெற்றெடுத்த காதுகளில்
புகுந்ததிந்தச் செய்திவெடி
கற்றுபலப் பதவிவேண்டும்
கைநிறைய காசுவேண்டும்

வெற்றுக்கவி ஆகிவிட்டால்
வேதனையே வீடுசேரும்
முற்றுப்புள்ளி இட்டுவிடு
மூட்டைகட்டி கொளுத்திவிடு

தொட்டுஒரு வரிமீண்டும்
தொடர்ந்தெழுதிப் போனாலோ
பட்டையாய்த் தோலுரிப்பேன்
பட்டினியே இருட்டறையில்

கட்டைக்குரல் கடுகடுக்கக்
கண்டிப்பாய்க் கூறிவிட்டார்
முட்டியதுநீர் அன்றேஎன்
முதற்கவிதை பிறந்ததடா

0

பதின்வயதில் விளையாட்டு
பருவத்தின் குறுகுறுப்பு
புதுவனப்பில் தரையிறங்கி
பகல்நிலாக்கள் வலம்போக

மதுக்குடத்தில் மனம்விழுந்து
மதிமயங்கிக் கூத்தாட
உதித்தகவி கொஞ்சமல்ல
ஒவ்வொன்றும் முத்தழகு

காதலெனும் புயல்ஊற்றைக்
கவியேற்றாக் கவியுண்டோ
காதல்நதி குதிக்காமல்
கவிஞனென்று ஆனதுண்டோ

காதலுக்குள் விழும்போதும்
காதலாகி எ…
சுதந்திர இந்தியாவின்
சரித்திர அடையாளங்கள்
இரண்டு

ஒன்று
மகாத்மாவின் நெஞ்சில்
தோட்டாக்களின்
துளைப்பு

இரண்டு
பாபர் மசூதியின் தலையில்
கடப்பாறைகளின்
துளைப்பு

தோட்டாக்களுக்கும்
கடப்பாறைகளுக்கும்
கற்பூர ஆரத்தி எடுக்கும்
அரசுதான்
சுதந்திரம் போற்றும்
நல்லரசா?

அன்புடன் புகாரி
20171206




மேலும் நிச்சயமாக
 நாம் மனிதனைப் படைத்தோம்,
 அவன் மனம்
 அவனிடம் என்ன பேசுகிறது
 என்பதையும் நாம் அறிவோம்;

 அன்றியும், 
 பிடரி நரம்பை விட
 நாம் அவனுக்கு
 சமீபமாகவே இருக்கின்றோம்.

 குர்-ஆன் 50:16.

ஒருவனின் மனம் அவனிடம் என்ன பேசுகிறது என்பதை எனக்குத் தெரியும் என்கிறான் இறைவன்.

அதாவது ஏறத்தாழ ஏழரை பில்லியன் மக்களின் இதயம் பேசுவதை இறைவன் ஒருவனாக மட்டுமே இருந்துகொண்டு கேட்பான் என்கிறான்.

எப்படி?

உருவம் இருந்தாலா அல்லது அருவமான உயர் சக்தியாய் இருந்தாலா?

இதில் எது சாத்தியமாகக் கூடும்?

இறைவன் மனிதர்களைச் சிந்திக்கச் சொல்கிறான். ஒருவருக்கு மேல் ஒருவர் அறிவில் உயர்ந்தவர்களாய் வந்துகொண்டே இருப்பார்கள் என்று உறுதி செய்கிறான்.

ஆனால் சிந்திக்கவே சிந்திக்காதே என்று சில மதவாதிகள் மனிதனிடம் சொல்கிறார்கள்.

இறைவனின் தேவையும் சில மதவாதிகளின் தேவையும் அல்லது அறிவின்மையும் இதில் தெளிவாகவே புரிகிறதல்லவா?

அடுத்தது...

பிடரி நரம்பைவிட நாம் அவனுக்குச் சமீபமாக இருக்கின்றோம் என்று ஏறத்தாழ ஏழரை பில்லியன் மக்களையும் பார்த்து இறைவன் சொல்கிறான்.

சரிதானே?

உருவம் இருந்து ஓரிடத்தில் உட்கார்ந்துகொண்டு இருப்பவனால் இது இயலு…
என் நூல்களுள் சில மின் நூல்களாய் நிலாச்சாரல் டாட் காமில் கிடைக்கும்

http://www.nilacharal.com/product-category/poetry/?filter_ebookauthor=buhari

1. வெளிச்ச அழைப்புகள்
http://www.nilacharal.com/product/%E0%AE%B5%E0%AF%86%E0%AE%B3%E0%AE%BF%E0%AE%9A%E0%AF%8D%E0%AE%9A-%E0%AE%85%E0%AE%B4%E0%AF%88%E0%AE%AA%E0%AF%8D%E0%AE%AA%E0%AF%81%E0%AE%95%E0%AE%B3%E0%AF%8D/

2. அன்புடன் இதயம்
http://www.nilacharal.com/product/%E0%AE%85%E0%AE%A9%E0%AF%8D%E0%AE%AA%E0%AF%81%E0%AE%9F%E0%AE%A9%E0%AF%8D-%E0%AE%87%E0%AE%A4%E0%AE%AF%E0%AE%AE%E0%AF%8D/

3. சரணமென்றேன்
http://www.nilacharal.com/product/%E0%AE%9A%E0%AE%B0%E0%AE%A3%E0%AE%AE%E0%AF%86%E0%AE%A9%E0%AF%8D%E0%AE%B1%E0%AF%87%E0%AE%A9%E0%AF%8D/

4. பச்சை மிளகாய் இளவரசி
http://www.nilacharal.com/product/%E0%AE%AA%E0%AE%9A%E0%AF%8D%E0%AE%9A%E0%AF%88-%E0%AE%AE%E0%AE%BF%E0%AE%B3%E0%AE%95%E0%AE%BE%E0%AE%AF%E0%AF%8D-%E0%AE%87%E0%AE%B3%E0%AE%B5%E0%AE%B0%E0%AE%9A%E0%AE%BF/

5. காதலிக்கிறேன் உன்னை எப்போதும் - மின்னூலாய் இன்னும் வெளிவரவில்லை

6. அறிதலில்லா அறிதல் - மின்ன…
பரம்பொருள் ஒன்று. ஆனால் அதை வெவ்வேறு வடிவில் ஈடுபாட்டுடன்/ பக்தியுடன் வழிபட்டு, இறுதியில் முதிர்ந்த பற்றற்ற ஞானநிலை அடையலாம். அவரவர்கள் மனதால், சொல்லால், உடல் உறுப்புகளால், செய்யும், நல் / தீய செயல்களுக்கேற்ப, இது ஒரு பிறவியிலோ, பல பிறவியிலோ நடக்கலாம்.
-பாஸ்கர்

இறைவன் ஒருவன் தான் என்று இதை நான் உறுதி செய்துகொள்ளலாமா? உங்களுக்கு ஒரு இறைவன் எனக்கு ஒரு இறைவன் என்று இறைவன் பல என்பது பிழைதானே?
-அன்புடன் புகாரி

உருவ வழிபாட்டையும் அதைச் சார்ந்த நம்பிக்கைகளையும் இழிந்துரைக்க, இந்த பரம்பொருள் ஒன்று என்ற ஒரு வாக்கியத்தைப் பயன்படுத்தாமல் இருந்தால் சரி. ஏனென்றால் உருவ வழிபாடு ஈடுபாட்டுடனான பக்தியை வளர்க்கும், அப்படி வழிபடும் தேவதைகளும் கடவுளால் உருவானவை, அந்த வழிபாட்டையும் கடவுள் தனக்கே உரியதாக ஏற்றுக் கொள்கிறார் என்பதும் இந்து சமயத்தின் ஆணிவேரான கோட்பாடு. இதுவே எதிலும் கடவுளைக் காணும்/ ஆராதிக்கும் சுதந்திரத்தையும் வழங்குகிறது.
-பாஸ்கர்

நான் உருவ வழிபாட்டை விமரிசனம் செய்யவில்லை. அது அவரவர் விருப்பம் நம்பிக்கை. அதனால் யாருக்கும் எக்கேடும் இருப்பதாய் நான் உணரவில்லை. இறைவன் ஒருவன் தானா என்பதுதான் எ…
நான் உருவ வழிபாட்டை விமரிசனம் செய்யவில்லை.
அது அவரவர் விருப்பம் நம்பிக்கை.
அதனால் யாருக்கும் எக்கேடும் ஆவதாய் நான் உணரவில்லை.
இறைவன் ஒருவன் தானா என்பதுதான் என் கேள்வி.
அந்த ஒருவனை எப்படி வேண்டுமாலும் யார் வேண்டுமானாலும் வர்ணனை வரையறை செய்து கொள்ளட்டும், வணங்கட்டும், நம்பிக்கையில் சிறந்து விளங்கட்டும்.
அதனால் ஏதும் கேடில்லை.
இறைவன் பல என்றதும் உலக அமைதியில் கீறல் விழுகிறதோ என்று ஐயுறுகிறேன்.
உன்னைப் படைத்த கடவுள்தான் என்னையும் படைத்தான் என்றால் அதில் ஓர் இணக்கத்திற்கான நூல் தென்படவில்லையா?
அதுதானே உண்மை என்றும் தெளிவு பெற முடியவில்லையா?
நான் இணக்கம்தேடிப் போராடும் எளிய வெண்புறா!
அன்புடன் புகாரி
*தமிழா தமிழா*

நீ
கனடா வந்துவிட்டாய்
அமெரிக்கா ஆஸ்திரேலியா என்று
நூற்றிப் பதினெட்டு நாடுகளில்
பெட்டிக்கடை முதல்
கூகுள் உயரதிகார நிர்வாகம் வரை
எல்லாம் தொட்டுவிட்டாய்

ஆனால்
இந்தப் புலம் பெயர் நாட்டில்
படிக்கத்தானே
அனுப்பினோம் மகனை
பள்ளியில் சேர்ந்த ஒராண்டுக்குள்
மகனே இல்லை என்றாகிவிட்டதே

மருந்துக்கு விருந்தாகி
மறைந்தே போனானே

பெண் பிள்ளைகள் மட்டுமென்ன
ஆளுக்கு நாலு காதல்விழி வீசி
எட்டுபேரைப்
புதைத்துவிடுகிறார்களே

பெற்ற பிள்ளைகளை
நல்ல பண்பாட்டுக்குள்
கட்டிவைப்பதென்பது
நயாகராவை
முந்தானையில் ஏந்துவதைப்
போன்றதாகவல்லவா இருக்கிறது

தமிழனின்
அடுத்த சந்ததியை அழித்தெடுக்க
மிகுந்த கவர்ச்சிகாட்டியல்லவா
நிற்கிறது
மேற்குலகக் கலாச்சாரம்

என்று
கலங்குகிறாய்
ஏன் வந்தோம்
இந்த நாட்டுக்கு என்று
நொந்து மடிகிறாய்

தமிழா தமிழா
நீ சற்றே அமர்ந்து
சிந்தையில் தீபம் ஏற்றிப்பார்

உன் வீட்டில்
தமிழிருந்தால்
தமிழ்ப்பிள்ளை தடம்மாறுமா

தமிழ்
வெறும் மொழியல்ல தமிழா
கற்புமிகு பண்பாட்டின்
பாடசாலை

கலையாத
கலாச்சாரத்தின்
அடையாளம்

தமிழர்தம்
உடலின் உள்ளே
திரண்டோடும் இரத்தம்
தமிழாக வேண்டும்

தமிழர்தம்
விழியின் உள்ளே
திரையேறும் கனவுகள்
68 ஆயிரம் கஷ்மீரிகளைக் கொன்ற ஒரு நாட்டிற்கு ஜனநாயக நாடு என்று கூற உரிமையில்லை. குஜராத்தில் 2500 முஸ்லிம்களை இனப்படுகொலைச் செய்த ஒரு நாட்டிற்கும் மதசார்பற்ற நாடு என்றுகூற தகுதியில்லை. - அருந்ததிராய்
எம்மதமும்
அம்மதத்தினரால்
தெளிவாகப்
புரிந்துகொள்ளப் படாததாய்
இருக்கிறது

எம்மதமும்
அடுத்த மதத்தினரால்
புரிந்துகொள்ளவே
முயற்சி செய்யக்கூடாது
என்கிற
எண்ணங்களைக்
கொண்டிருக்கிறது

எம்மதமும்
பகுத்தறிவாளர்கள்
என்று
சொல்லிக்கொள்பவர்களால்
தவறான
பொருள் கூறப்படுவதாய்
இருக்கிறது.

இவை
அத்தனைக்குமே
காரணம்
மனிதர்களின்
அறியாமைகளும்
விகாரங்களும்தானே
அன்றி வேறில்லை

அன்புடன் புகாரி
20171201

*இன்று டிசம்பர் ஒன்று எங்கள் திருமண நாள்*

கவிஞரே, இப்படிக் காதல் மழையாய்ப் பொழிகிறீர்களே உங்கள் திருமணம் காதல் திருமணம்தானே? என்று சிலரும் நீங்கள் கூட காதல் திருமணம் செய்யவில்லை என்றால் வேறு யார்தான் செய்திருக்க முடியும்? என்று சிலரும் என்னை எப்போதும் கேட்பார்கள்.

என் திருமணம் காதல் திருமணம் தான்.

ஆனால் இந்தக் காதல் நிச்சயத்திற்குப் பின்தான் நெஞ்சில் பச்சை குத்திக்கொண்டு படபடவென்று துள்ளிக்குதித்துக்கொண்டு நயாகராவுக்கே நீர் வழங்கும் ஊற்றாய் பொங்கி எழுந்தது.

அதுவரை நான் என் மனைவியைக் கண்டதே இல்லை.

இருபது வயதின் இறுதியில் முதன்முதலாக சவுதி அரேபியா சென்றவன் இருபத்தி மூன்று வயதில் ஒன்றரை மாத விடுப்பெடுத்து முதன் முதலாக ஊர் வந்து நின்றேன். அம்மாவின் மரபீரோவில் நான் ஏதோ காகிதங்களை உருட்டிக்கொண்டிருக்கும்போது, ஒரு சிறிய புகைப்படம் என் கண்ணில் பட்டது. அது ஒரு பதினைந்து வயது பெண்ணின் கறுப்பு வெள்ளைப் புகைப்படம்.

எடுத்துப் பார்த்து, அம்மா இது யார் என்று கேட்டேன். என் பதினைந்து வயது கடைக்குட்டித் தம்பி குதூகலத்தின் உச்சத்தில் உற்சாக மேட்டிற்கும் குறும்புப் பள்ளத்துக்குமாய் குதித்துக் குதித்துக்…