Posts

Showing posts from 2018
உலக நாடுகள் எங்கும்
புலம்பெயர்ந்து வாழும்
தமிழப் பிள்ளைகளின்
நெஞ்சிலும் நாவிலும்
சர்க்கரைப் பொங்கலாய்த் 
தமிழ் அதுவே என் திசை
அதுவே என் தேடல்
அதுவே என் பயணம்
அதுவே என் இலக்கு
அதுவே என் வெற்றி அன்புடன் புகாரி
இன்று ஜனவரி 27 யூத இனப்படுகொலையின் நினைவு நாள் இரண்டாம் உலகப்போரின்போது ஹிட்லரின் நாஜி படையினரால், இனப்படுகொலை செய்யப்பட்டவர்கள்: 60 லட்சம் யூதர்கள்,
2 லட்சம் ரோமா ஜிப்சி நாடோடிகள்,
2.5 லட்சம் மாற்றுத்திறனாளிகள்,
9000 ஓரினச் சேர்க்கையாளர்கள் உலகில் முற்றாக சர்வாதிகாரம் ஒழிய வேண்டும் சமத்துவமும் சகோதரத்துவமுமே பெருக வேண்டும் சிறுபான்மையினரின் உரிமைகளைப் பறிக்கும் அதிகார, அக்கிரம வர்க்கங்களும் வக்கிரங்களும் முடிந்துபோக வேண்டும் அன்புடன் புகாரி
மிக நெருங்கி வந்துவிட்டோம் தமிழர்களே தமிழ் இருக்கை இதோ இதோ தமிழ் இருக்கையால் ஹார்வர்ட் பெருமையடையப் போகும் நற்பொழுது இதோ இதோ இந்த அளவிற்கு ஹார்வர்ட் பல்கலைக் கழகத்தை இதற்கு முன் யாரும் உலகறியப் பேசி இருக்க முடியாது என்றே சொல்லலாம். அந்த அளவிற்கு தமிழால் தமிழ் இருக்கையால் ஹார்வர்ட் பல்கலைக்கழகம் இன்று பேசப்படுகிறது. உலகத் தமிழர் அனைவரின் விருப்பங்களையும் ஆசைகளையும் நிறைவேற்றி நிமிரும் ஆய்வுகளை ஹார்வர்ட் இருக்கை தரவேண்டும். அதை அறிவுசால் நம் தமிழ் உலகம் ஒவ்வொரு நொடியும் கவனமாகப் பார்த்துக்கொண்டே இருக்கும். தமிழைப் பற்றிப் பிடித்து ஹார்வட்டின் பெருமை இவ்வுலக அரங்கில் மேலும் உயர்ந்து வளரும் என்று நான் முழுதாக நம்புகின்றேன் அன்புடன் புகாரி
Between 13th and 19 th century there are huge changes in tamil script, which we have accepted as evolution. Between now and 25th century, if there's further evolution to write க ங ச ஞ as "k" "n" "cha" or as क ण च or anything else, who is to say it won't happen.. -Sathis Toronto சதீஸ், இந்து இந்தி இந்தியா என்ற திசையில் செல்லும் உங்கள் பேராசை அப்பட்டமாய்த் தெரிகிறது. தமிழன் தமிழ் தமிழ்நாடு என்பதை இன்னும் எத்தனை நூற்றாண்டுகள் ஆனாலும் மாற்ற முடியாது என்பதை நீங்கள் புரிந்துகொள்ள வேண்டும். விரைவில் புரிந்துகொள்வீர்கள். இந்த க ங ச ஞ வும் சரி क ण च வும் சரி எல்லாம் திசை மாறி abcd என்ற 26 எழுத்துக்குள் முடங்கிப் போய்க்கொண்டிருக்கிறது என்பதுதான் நிஜம். அதற்குக் காரணம் பிஜேபி போன்றவர்களின் மொழி வெறியாட்டங்கள்தாம். இரண்டுபேர் அடித்துக்கொள்ளும்போது மூன்றாவது அறிவாளிதான் பயன்பெறுவான். இதை தமிழ்க் குழந்தைகளுக்கான கதை ஒன்றில் அழகாகச் சொல்லி இருப்பார்கள். குரங்கு பூனை அப்பம் கதை இங்கு எவருக்காவது தெரிந்திருக்கலாம். இந்தி ஒரு மூலையில் வாழட்டும் தமிழ் ஓரு மூலையில் …
அடுத்தவன்
பற்றையும்
பற்றென
நினைக்காதவனின்
பற்று 
பற்றே அல்ல
பற்றி எரியும்
கொடும் நெருப்பு அன்புடன் புகாரி
ஹார்வர்டில் மட்டுமல்ல உலகின் அத்தனைப் பல்கலைக்கழகங்களிலும் தமிழ் இருக்கை அமைக்க வேண்டும் தமிழ் இருக்கையின் பலன் என்ன என்று தமிழர்களாகிய நாம் சிந்தித்துக்கொண்டிருக்கிறோம். தமிழ் இருக்கை பலன் தந்துவிடப் போகிறது அதைத் தடுத்துவிட வேண்டும் என்று யாரெல்லாம் சிந்தித்துச் செயல் பட்டுக்கொண்டிருக்கிறார்கள் என்று சிந்தியுங்கள் *
எங்கள்
உணர்வில்
உயிரில்
கலந்திருப்பது
தமிழ்
அதை
உங்கள்
சின்னஞ்சிறு
கைக்குட்டையால்
துடைத்தெறிந்துவிட
முடியாது வீழ்வது
எதுவாக இருப்பினும்
வாழ்வது
தமிழாகவே இருக்கும்
தமிழர்தம்
நெஞ்சாங்குழிப்
பேழைகளில் கவிஞர் புகாரி
அடுத்தன்
பற்றையும்
பற்றென
நினைக்காதவனின்
பற்று 
பற்றே அல்ல
பற்றி எரியும்
கொடும் நெருப்பு அன்புடன் புகாரி
வாழ்க நிரந்தரம் வாழ்க தமிழ்மொழி
வாழிய வாழிய வே!

வான மளந்த தனைத்தும் அளந்திடும்
வண்மொழி வாழிய வே!

ஏழ்கடல் வைப்பினுந் தன்மணம் வீசி
இசைகொண்டு வாழிய வே!

எங்கள் தமிழ்மொழி! எங்கள் தமிழ்மொழி!
என்றென்றும் வாழிய வே!

சூழ்கலி நீங்கத் தமிழ்மொழி ஓங்கத்
துலங்குக வையக மே!

தொல்லை வினைதரு தொல்லை யகன்று
சுடர்க தமிழ்நா டே!

வாழ்க தமிழ்மொழி! வாழ்க தமிழ்மொழி!
வாழ்க தமிழ்மொழி யே!

வானம் அறிந்த தனைத்தும் அறிந்து
வளர்மொழி வாழிய வே!

-பாரதியார்

201206 நெல்லை சந்திப்பு சினிமா பாடல்

விழிகளில் உதிருதே கனவும் துளியாக உயிருமே சிதறுதே மழையின் குமிழாக
ஓர் காவல் நிலைய கம்பியே     இவன் சிலுவை என்றானால்
அந்த கடவுள் கூட சிறையிலே 
    ஒரு கைதியாவானோ
            ...விழிகளில் உதிருதே


உண்மை இங்கே ஊனமோ    கொடும் பேய்கள் ஓதும் வேதமோ கூண்டில் கண்ணீர் கோலமோ
   முழு நிலவின் கற்பும் ஏலமோ


விதி செல்லும் பாதை மாயம்
  அதன் காலில் இவன் ஜீவன்
இவன் கூடு எங்கே கிளிகள் எங்கே    வாழ்ந்த வாழ்வெங்கே போதும் இது போதும்    இந்தத் துன்பச் சுமை போதும்                         ...விழிகளில் உதிருதே
கலைந்து மாறும் காட்சியோ
   நிஜம் புதைந்துபோகும் சாட்சியோ
மாயம் நியாயம் ஆனதோ
   இவன் தெய்வம் தூங்கிப் போனதோ

கடல் நீரைப் போல கண்கள்
   அதில் கரையும் கனவுகளே
இவன் கனவு எங்கே காதல் எங்கே 
    உறவின் வாழ்வும் எங்கே

போதும் இது போதும்
   இந்த மரண நிழல் போதும்


==========================
பழசு:

விழிகளில் உதிருதே உயிரும் துளியாக கனவுகள் சிதறுதே மழையின் குமிழாக
ஓர் காவல் நிலைய கம்பியே     இவன் சிலுவை என்றானால் இந்த தேசம் என்னும் இருளிலே     மனித வாழ்வு என்னாகும்             ...விழிகளில் உதிருதே
உண்மை இங்கே ஊனமோ

200206 காமெடி பிரியாவிடை ரஹ்மதுல்லா

ரஹ்மதுல்லா ரஹ்மதுல்லா - ஆகா
செய்யது ரஹ்மதுல்லா

ரஹ்மதுல்லா ரஹ்மதுல்லா - ஆகா
செய்யது ரஹ்மதுல்லா
பாஸ்டனுக்குத் தான் போறியலா - இல்லை
பாஸ்டனையே வாங்கப் போறீயலா

ரஹ்மதுல்லா ரஹ்மதுல்லா - ஆகா
செய்யது ரஹ்மதுல்லா - நீங்க
நெனைச்சதெல்லாம் இப்ப நடக்குதய்யா
மனசு நெறஞ்சி போச்சு மாஷால்லா

ரஹ்மதுல்லா ரஹ்மதுல்லா - ஆகா
செய்யது ரஹ்மதுல்லா -                        (தனனானா தானேனனா....
ரஹ்மத்தெல்லாம் வந்து கூடுமய்யா - நல்ல
பரக்கத்த்தும் வந்து சேரும்மய்யா

ரஹ்மதுல்லா ரஹ்மதுல்லா - ஆகா
செய்யது ரஹ்மதுல்லா
வாழ்க்கை இன்னும் நல்லா ஒசரட்டும்யா - உங்க
வீட்டுக்குள்ள சொர்க்கம் பூக்கட்டும்யா - அதுக்கு
சொல்லிருங்க ஒரு பிஸ்மில்லாஹ் - சொல்லிப்
போய் வாங்க அந்த காஃபத்துல்லாஹ்

ரஹ்மதுல்லா ரஹ்மதுல்லா - ஆகா
செய்யது ரஹ்மதுல்லா -                         (தனனானா தானேனனா....
ஒமரு பக்கம் நீங்க ஒதுங்காதீங்க - இந்த
ஒமரு சொல்லை நீங்க கேக்காதீங்க - அவரு
ஓடி வரச்சொன்னா வாராதீங்க - சொல்லும்
ஒரு பேச்சுக்கும் காதைத் தாராதீங்க 

ரஹ்மதுல்லா ரஹ்மதுல்லா - ஆகா
செய்யது ரஹ்மதுல்லா
அப்போ அப்போ கனடா வாங்கய்யா - வந்து
அமெரிக்கா பரிசைத் தாங்கய்யா - உங்க

201302 குழந்தை பாடல் - நத்தக்குட்டி

அஞ்சு குட்டிக் குரங்கு குதி குதின்னு
அத்தா மெத்தை மேல குதிச்சிருச்சாம்
ஒத்தை குட்டிக் குரங்கு காலொடஞ்சி
ஓரமா உக்காந்து அழுதுடுச்சாம்

அத்தா வந்து அதட்ட
அம்மா குச்சை எடுக்க
ஆம்புலன்சு வண்டியும்
வந்துடுச்சாம்

ரெண்டு தையல் போட்டு
நாலு ஊசி குத்தி
எட்டு நாள் மருந்து
முழுங்குனுச்சாம்

இனி எந்தக் குரங்கும் மெத்த மேல
எப்பவும் குதிக்கக் கூடாதுன்னு
மாமா வந்து மடியில அள்ளியெடுத்து
அன்பா பண்பா சொல்லிட்டாராம்

நாலு குட்டிக் குரங்கு குதி குதின்னு
அம்மா மெத்தை மேல குதிச்சிருச்சாம்

மூணு குட்டிக் குரங்கு குதி குதின்னு
மாமா மெத்தை மேல குதிச்சிருச்சாம்

ரெண்டு குட்டிக் குரங்கு குதி குதின்னு
டாடி மெத்தை மேல குதிச்சிருச்சாம்

ஒத்தைக் குட்டிக் குரங்கு குதி குதின்னு
நத்தக்குட்டி மெத்தை மேல குதிச்சிருச்சாம்

201609 கேங்பிங் - காமெடி - ரசியா பிரியாணி பாட்டு

பட்டாசா வெடிச்சிக்கிட்டு
பல்லெல்லாம் இளிச்சிக்கிட்டு
பிரியாணிக் குயினுன்னா
மெட்ராசு ரசியாவாம்

ரிய்யாசுத் தட்டுல
ரெண்டு ரெண்டா இட்டாராம்

முண்டாசுக் கட்டிக்கிட்டு
மலையாளம் பறஞ்சிக்கிட்டு
நெஞ்சையெல்லாம் நிமித்திக்கிட்டு
நிஸ்ஸாரு வந்தாரம்

காட்டோரக் கரடிய
கண்டதும் ஒண்ணுக்குப் போனாராம்

மலக்கோட்டத் தங்கச்சி
மட்டன்கறி என்னாச்சு
பீப்புக்கு சிம்பூன்னா
ஆப்புக்கு அண்ணாச்சி

தாளாத பயத்துல
டெண்ட ரெண்டா பிச்சாச்சு

201607 கேம்பிங் - காமெடி - குழந்தைகள் கரடி பாட்டு

கூட்டத்தக் கூட்டிக்கிட்டு - கூடாரம் போட்டுக்கிட்டு
கரடிக்கு டிமிக்கிக் கொடுத்து - குத்தாட்டம் போட்டோண்டா (2)
ரக்கூனு மூஞ்சில - ரசத்த ஊத்தி உட்டோண்டா(2)
ஆங்... கூட்டத்தக் கூட்டிக்கிட்டு - கூடாரம் போட்டுக்கிட்டு
கரடிக்கு டிமிக்கிக் கொடுத்து - குத்தாட்டம் போட்டோண்டா

சியானுக்கே தண்ணிகாட்டும் அயானப் பாருங்க - இவன்
ஆட்டத்தைப் போட்டிபோடும் ஹீரோ சொல்லுங்க
ஆஹா ஆஆஆ.... ஓஹோ ஓஓஓ..... (சியானுக்கே தண்ணிகாட்டும்...)
சின்னக் கையாட்டி சிரிக்கின்ற சிரிப்பப்பாருங்க (2)
இவனால-ரெஸ்டோலே-அட-ரெண்டுபட்டுப் போச்சுங்க

ஆங்... கூட்டத்தக் கூட்டிக்கிட்டு - கூடாரம் போட்டுக்கிட்டு
கரடிக்கு டிமிக்கிக் கொடுத்து - குத்தாட்டம் போட்டோண்டா

ஸ்மார்ட்போனும் ஸ்டுபிட்போனா - மாறிப்போச்சுடா - அந்த
வாட்ஸ்ஸ்ஸப்பும் ஃபேஸ்ஸ்புக்கும் ஊத்திக்கிச்சுடா
ஆஹா ஆஆஆ.... ஓஹோ ஓஓஓ..... (ஸ்மார்ட்போனும்...)
மடிக் - கம்ப்யூட்டர் மடியவிட்டு இறங்கிப்போச்சுடா(2)
அதனால-படுஜோரா-தினம்-ஆட்டம் பாட்டம் போட்டோண்டா

ஆங்... பூப்பூவா பூத்துக்கிட்டு - புல்லெல்லாம் மேஞ்சிக்கிட்டு
மேப்பிளுக்கே மாப்பிளயா - மல்லாந்து கெடந்தோண்டா
ஆங்... கூட்டத்தக் கூட்டிக்கிட்டு - கூடாரம் ப…

201607 கேம்பிங் - காமெடி - கரடி பாட்டு

1
கூட்டத்தக் கூட்டிக்கிட்டு - கூடாரம் போட்டுக்கிட்டு
கரடிக்கு டிமிக்கிக் கொடுத்து - குத்தாட்டம் போட்டோண்டா (2)
     ரக்கூனு மூஞ்சில - ரசத்த ஊத்தி உட்டோண்டா(2)
ஆங்... கூட்டத்தக் கூட்டிக்கிட்டு - கூடாரம் போட்டுக்கிட்டு
கரடிக்கு டிமிக்கிக் கொடுத்து - குத்தாட்டம் போட்டோண்டா
2
பூப்பூவா பூத்துக்கிட்டு - புல்லெல்லாம் மேஞ்சிக்கிட்டு
மேப்பிளுக்கே மாப்பிளயா - மல்லாந்து கெடந்தோண்டா (2)
     தட்டானப் பாத்து - தெருப்பேரு கேட்டோண்டா(2)
ஆங்... பூப்பூவா பூத்துக்கிட்டு - புல்லெல்லாம் மேஞ்சிக்கிட்டு
மேப்பிளுக்கே மாப்பிளயா - மல்லாந்து கெடந்தோண்டா
1
நண்டோட கால ஒடச்சி - வறுத்த ஆத்தாவாம் - முத்துப்
பேட்டைக்கே புத்திசொல்லும் - குட்டி ராத்தாவாம்
ஆஹா ஆஆஆ... ஓஹோ ஓஓஓ... (நண்டோட கால ஒடச்சி)
பட்டுக் - கோட்டைக்கே ராணி மட்டும் - சும்மா உட்டுருமா (2)
     கொடுவாவ-கொழம்பாக்கி-கரடி-மூக்கக்கோணல் ஆக்கிருச்சாம்
ஆங்... கூட்டத்தக் கூட்டிக்கிட்டு - கூடாரம் போட்டுக்கிட்டு
கரடிக்கு டிமிக்கிக் கொடுத்து - குத்தாட்டம் போட்டோண்டா
2
தரையோடு நிலவும் வந்தா - சொர்க்கம் இல்லியா - கீழக்
கரையோடு கோழி வந்தா - சூப்பர் இல்லியா
ஆஹா ஆஆஆ... ஓஹோ …

201607 கேம்பிங் காமெடி நண்டு

நண்டுக்கு குட்டி நண்டுக்கு
மச்சி மசாலா அறைக்குது
சொந்தங்கள் அதன் பந்தங்கள்
ஒண்ணு சேந்து வேகுது

மச்சானே வந்து நின்னானே - அவன்
மார்பிலே நண்டின் பாசமே
வச்சானே கைய வச்சானே - துப்பும்
ஓட்டையும் கூட காணோமே

தட்டையில் இட்டதென்ன
முத்துப்பேட்ட நண்டா
கொட்டிவிட்டு எட்டிப்பாக்க
செத்துப்போன துண்டா

201801 ஜல்லிக்கட்டு

தொறடா வாடிய விடுடா காளைய
தொறடா வாடிய விடுடா காளைய

கெழக்காலதாம் பாயுது மேற்காலயுந் தாவுது
கெழக்காலதாம் பாயுது மேற்காலயுந் தாவுது

இதமா பதமா அணைச்சி தழுவோணும்
மெதுவா முறையா வீரம் காட்டோணும்
இதமா பதமா அணைச்சி தழுவோணும்
மெதுவா முறையா வீரம் காட்டோணும்

ஆ... அஹ.... ஆ...... அஹ......

பீட்டா வர்ராண்டா
நோட்டம் விட்றாண்டா
நாட்டுக் காளைங்களை
ஓட்டத் துணிஞ்சாண்டா

நாட்டுடமை பாடிக்கிட்டு பீட்டாவப் பாடகட்டு
மறத்தமிழன் வீரம்கேட்டு மறுபடியும் ஜல்லிக்கட்டு

உரமா தரமா தமிழன் காளைங்கடா
ஓடிப் போடா வெள்ளைக் காரைங்களா
ஒண்ணாக் கூடும் சென்னைச் சொந்தமடா
உலகே கேட்கும் உரிமைக் கோசமடா

201707 சாலிகா பாட்டு

என் சிட்டு என் செல்லம் 
என் லட்டு என் லொல்லு
என் சாலி...கா

சட்டுச் சட்டுன்னு சாஞ்சாடும் சாலிகா குட்டீ
செந்தூரச் சந்தனக் கட்டி
சின்னக் கையாட்டி காலாட்டி நீயாடும் ஆட்டம்
தாங்கலியே தங்கக்கட்டி

ஊரெல்லாம் உன்னோட பாட்டக்கேட்டு
சும்மா மயக்கமே போட்டுருச்சு (2)
உனக்காக நான்போட்ட பாட்டெல்லாம்
அட ஒண்ணுமத்துப் போயிருச்சு
கொய்யால....
உனக்காக நான்போட்ட பாட்டெல்லாம்
அட ஒண்ணுமத்துப் போயிருச்சு

சட்டுச் சட்டுன்னு சாஞ்சாடும் சாலிகா குட்டீ
செந்தூரச் சந்தனக் கட்டி
சின்னக் கையாட்டி காலாட்டி நீயாடும் ஆட்டம்
தாங்கலியே தங்கக்கட்டி

நெஞ்செல்லாம் தேனூறிக் கொட்டுறாரு
உன்னைத் தொட்டதுமே சஃபிக் கமாலு (2)
கண்ணெல்லாம் பொன்னாகிப் போறாங்க
உன்னைக் கண்டதுமே சல்வா சஸ்பி
மெய்யாலும்
கண்ணெல்லாம் பொன்னாகிப் போறாங்க
உன்னைக் கண்டதுமே சல்வா சஸ்பி

சட்டுச் சட்டுன்னு சாஞ்சாடும் சாலிகா குட்டீ
செந்தூரச் சந்தனக் கட்டி
சின்னக் கையாட்டி காலாட்டி நீயாடும் ஆட்டம்
தாங்கலியே தங்கக்கட்டி

நீ எப்போதும் எல்லோருக்கும் உயிராக
பெரும் நலமோடு வாழ்வாய் சாலி....

என் சிட்டு என் செல்லம் 
என் லட்டு என் லொல்லு
என் சாலி...ஹா

சட்டுச் சட்டுன்னு சாஞ்சாடும் சாலிகா கு…

201407 ஒரில்லியா பீச்சுடா

ஒரில்லியா பீச்சுடா... ஊரு பட்ட லூட்டிடா
வூட்டுக்கு வர மன்சே இல்லையடா

ஏரிக்குள்ள ஓட்டண்டா... ஏகப்பட்ட ஆட்டண்டா
முக்கி முக்கி மூச்சே போனதடா

First First பிக்னிக் the Best Best - இதுதான்
First First பிக்னிக் the Best Best

இது டீமாக்கின் சங்கண்டா... பேட்மிட்டன் Club-புடா
தூளு கெளப்ப வேற யாருடா.... ஹோ ஹோ ஹோய்....

* ஒரில்லியா....

காத்தால கரீட்டா ஏழரைக்கே கெளம்பிட்டோம்
-- சூப்பரு அதுதான் சூப்பரு

காடு மேடு கரைகளெல்லாம் சுத்திச் சுத்தி ஓட்டினோம்
--சூப்பரு அதுவும் சூப்பரு

முத்துப் பேட்ட கைலி மடிச்சிகட்டி
ரரா ராஜா டீயாத்துன கெத்து தாங்கல
சுட்டக் கோழி கடிச்சிழுக்கும்போதும்
நுநு நூஹு விட்டடிச்ச ஜோக்கு தாங்கல

அட எல்லாமே... டக்கரு டாப்புடா
நெஞ்சக் கூட்டுல... நிக்கிற நெனப்புடா

அட
குளிக்கக் குளிக்கக் குளிரு போச்சுடா
சுட்டக் கோழி ராலைக் கடிக்கக் கடிக்க சொர்க்கம் ஆச்சுடா

* ஒரில்லியா....

ஆட்டுக்கறி வறுத்துவந்த அன்ஹர்தீனைக் காணல
--புரியல இன்னமும் புரியல

ஆளும்பேரும் பிரிச்சுக்கிட்டு சேவை செஞ்சோம் ஜாலியா
--சூப்பரு அதுதான் சூப்பரு

நண்டையும் குஞ்சையும் அள்ளிக்கிட்டுப் பொண்டுக
சில்லு... தண்ணிக்குள்ள அடிச்ச கொட…

201111 நாம் மறைந்தாலும் உயிரூட்டும் மறையோனவன் (2)

நாம் மறைந்தாலும் உயிரூட்டும் மறையோனவன்
நம் நீதி நாளின் அதிபதியே

அவன் ஓர் நாளும் ஓர் பொழுதும் ஓய்பவனில்லை
யா அல்லாஹ் நீயே!

அல்லாஹு அக்பர் அல்லாஹு அக்பர் அல்லாஹு அக்பர்
லாயிலாஹா இல்லல்லாஹு அல்லாஹு அக்பர்
அல்லாஹு அக்பர் வளில்லாஹ் இல்ஹம்த்

ஈர மண்ணில் ரூஹை ஊதி உயிரைத் தந்தானே
வாழ்வதற்கு வானம் பூமி அமைத்து வைத்தானே
மனப் பாதங்களின் நேர்வழிக்கு மார்க்கம் தந்தான்
அந்த மார்க்கத்தை ஏற்பதற்கு நபியை ஈந்தான்

ஒரெழுத்தும் கற்றிடாத உம்மி நபியை
ஹிராவில் இக்ராஹ் என ஓதச் செய்தான்
குர்’ஆன் வேதமெல்லாம் ஒப்பிக்கும் ஆற்றல் தந்தான்
அந்த வேதமே மனிதனுக்குப் பாதையாக்கினான்

தனக்கான தேவை  இல்லாதவன்
நம் தேவை தீர்க்கும் வல்லோனவன்
அவன் அகிலத்தின் அருளாக நபியைத் தந்தான்
நபி வழியே இஸ்லாம்

ஆதாம் ஹவ்வா இருவரையும் படைத்துச் சேர்த்தவன்
அவர்கள் வழி மனித இனம் பெருகச் செய்தவன்
நாம் மற்றவரை அறிவதற்கு வேற்றுமை கலந்தான்
உயர்ந்தோர் நம்மிடையே அவனை உணர்ந்தோர் என்றான்

இன்னல்களும் இன்பங்களும் நேரும் வாழ்விலே
நேரடியே தன்னை நாட நீதி விதித்தான்
அகில உலகமெங்கும் அடங்கும் யாவும் உரியவன்னல்லாஹ்
யாவும் தன்னிடமே திரும்பிட விதி செய்தான்

இசை-…

201111 ஈர மண்ணில் ரூகை ஊதி (இறுதி)

ஈர மண்ணில் ரூகை ஊதி வாழ்வைத் தந்தானே
வாழ்வதற்கு வானம் பூமி அமைத்து வைத்தானே
மனப் பாதங்களின் நேர்வழிக்கு மார்க்கம் தந்தான்
அந்த மார்க்கத்தை ஏற்பதற்கு நபியை ஈந்தான்

ஓரெழுத்தும் கற்றிடாத உம்மத்து நபியை
ஹீராவில் கூராக்கள் ஓதச் சொன்னான்
குர்-ஆன் வேதமெல்லாம் ஒப்பிக்கும் ஊக்கம் தந்தான்
அந்த வேதமே மனிதனுக்கு பாதையாக்கினான்

தனக்கான தேவை இல்லாதவன்
நம் தேவை தீர்க்கும் வல்லோனவன்
அவன் தீனோரின் வரமாகத் தொழுகை தந்தான்
நம் நன்றி அதுதான்

பெண்ணின்றால் போகப் பொருள் என்ற பூமியில்
பெண்ணுரிமைக் கொண்டு வாழ நீதி விதித்தான்
அன்று அவதியிலே அடிமைகள் மூழ்கிய பொழுது
எங்கும் அடிமைகளே இல்லையென்று விலங்கை நீக்கினான்

மக்காவில் தீனோர் கண்ணீரில் உருக
குறைசியின் கொடுமை அந்த மண்ணில் பெருக
மதினா நகர் நோக்கி ஹிஜ்ராவின் கட்டளை இட்டான்
எளிய தீனோரை தன் பார்வையில் கொண்டு சேர்த்தான்

நாம் மறைந்தாலும் உயிரூட்டும் மறையோனவன்
நம் நீதி நாளின் அதிபதியே
அவன் ஓர் நாளும் ஓர் பொழுதும் ஓய்பவன் இல்லை
நம் பிறப்பும் அவன் கருணை

(சில மாற்றங்களை இசையமைப்பாளர் செய்திருக்கிறார்)

201111 தக்பீர் பாடல்

கோரஸ்: அல்லாஹு அக்பர்....
பாலைவனம் பால்பொழிய ஏற்றம் வைத்தானே     பாதங்களின் நேர்வழிக்கு மார்க்கம் தந்தானே - என்றும் ஏழைகளைச் செல்வருடன் சேர்த்து வைத்தானே - தொழும்    ஏகனவன் பள்ளியிலே பேதம் கொன்றானே
மாநபிகள் நாயகத்தை மண்ணில் ஈந்தானே    ஹீராவில் சூராக்கள் ஓதச் சொன்னானே - அவரோ ஓரெழுத்தும் கற்றிடாத உம்மத்து நபியே - குர்-ஆன்    வேதமெல்லாம் ஒப்பிக்கும் ஊக்கம் தந்தானே
தனக்கான தேவை இல்லாதவன்    நம் தேவை தீர்க்கும் வல்லோனவன் வழி காட்டும் வரமாக அவன் தொழுகை தந்தான்    நம் நன்றியே அதுதான்
      கோரஸ்: அல்லாஹு அக்பர்....
பெண்ணென்றால் போகப்பொருள் என்ற பூமியில்    பெண்ணுரிமை கொண்டுவாழ சட்டம் தந்தானே - அரபியர் அடிமைகளைக் கொடுமைசெய்த கோர நாட்களில் - எங்கும்    அடிமைகளே இல்லையென்று விலங்குடைத்தானே
மக்கத்தின் வீதிகளில் கொடுமை எழுந்ததால்    குறைஷிகளின் அகங்காரம் விஷத்தை உமிழ்ந்ததால் - மதினா நகர்நோக்கி பயணமாக கட்டளை இட்டானே - எளிய    முஸ்லிம்களைப் பாதுகாக்கக் கருணை ஈந்தானே
நாம் மறைந்தாலும் உயிரூட்டும் மறையோனவன்    நம் நீதி நாளின் அதிபதியே அவன்
எங்கள்
உணர்வில் உயிரில்
கலந்திருப்பது
தமிழ்
அதை உங்கள் சின்னஞ்சிறு
கைக்குட்டையால்
துடைத்தெறிந்துவிட முடியாது

வீழ்வது
எதுவாக இருப்பினும்
வாழ்வது
தமிழாகவே இருக்கும்
தமிழர்தம்
நெஞ்சாங்குழிப் பேழைகளில்
கவிஞர் புகாரி
தமிழ் ஆங்கிலம் இந்தி தமிழ்நாடு இந்தியா

கடந்த வருடம் நான் டொராண்டோ ’பாங்க் ஆஃப் மான்றியலில்’ ஒன்றரை ஆண்டு ஒப்பந்தப் பணி செய்தேன். அங்கே எனக்கு ஒரு நண்பன் வாய்த்தான். அவன் ’கனடியன் டயரில்’என்னோடு வேலை செய்தவன்தான். மான்றியல் வங்கியிலும் என்னோடு வேலை செய்தான்.

அவன் பெயர் வருண், பஞ்சாப்காரன். பழகுவதற்கு இனிமையானவன்.  நாங்கள் ஆங்கிலத்தில்தான் பேசிக்கொள்வோம். ஒரு நாள் ‘நீ நல்லே இருக்கே’ என்றான். வருண், என்னாச்சு எப்படித்தெரியும் உனக்குத் தமிழ் என்றேன். எனக்குத் தமிழ் தெரியாது. இந்த வரி மட்டும்தான் தெரியும், நான் தமிழ்நாட்டில் 5 வருடங்கள் வேலை செய்தேன் என்றான்.

5 வருடங்கள் தமிழ் நாட்டில் மட்டுமல்ல, இரண்டு வருடங்கள் கொச்சின் - கேரளாவிலும் வேலை செய்திருக்கிறான். ஆனால் அவனுக்குத் தமிழும் தெரியாது மலையாளமும் தெரியாது. இந்தி தெரியும் ஆங்கிலம் தெரியும். அவ்வளவுதான்.

அவன் பஞ்சாபி என்றாலும் டெல்லிதான் அவனது வாழ்விடம். 

அவன் இன்னொரு தகவலையும் சொன்னான். நான் மட்டுமல்ல, ஏராளமான வட இந்தியர்கள், தமிழ்நாடு, கர்நாடகா, கேரளா, ஆந்திரா ஆகிய மாநிலங்களில் வெகுகாலம் பணி செய்கிறார்கள் என்றான். ஏன் என்றேன். கணினி…

201202 ரிதா காதுகுத்து

ரிதாவின் காதுகுத்து

காது குத்துன நத்தக் குட்டி ஐசு திங்கிறா
ஆமா ஐசு திங்கிறா - அவ
காதப் பாத்துத் தோடப்பாத்து கண்ணு சொக்குறா
ஆமா கண்ணு சொக்குறா

மாலுவனு மாலுக்குள்ள ஆளு போனிச்சு
இந்த ஆளு போனிச்சு
குட்டி ஆளு போனிச்சு
சின்ன ஆளு போனிச்சு - அங்க
காது ரெண்டும் ஓட்டையாயி திரும்பி வந்துச்சு
ஆமா திரும்பி வந்துச்சு

கண்டதுக்கும் கத்திக் கத்தி ஊரக் கூட்டுவா
நல்லா ஊரக் கூட்டுவா - ஆனா
காது குத்தும் போது மட்டும் சிரிச்சி வெக்கிறா
இவ சிரிச்சிக் வெக்கிறா

ஊரு ரொம்ப கெட்டுப் போச்சு ஒண்ணும் புரியல
ஆமாம் ஒண்ணும் புரியல - இவ
அழகப் பாத்து ஆடும் ஆட்டம் தாங்க முடியல
அடடா தாங்க முடியல

மறத்துப் போற மருந்தத் தேடி தாயி ஓடுறா
பாவம் தாயி ஓடுறா - ஆனால்
காதுத்தோட நெனைச்சு நெனைச்சு பொண்ணு மயங்குறா
சும்மா பொண்ணு மயங்குறா

தூளியில ஆடுனவ தோடு போட்டுட்டா
ஆமாம் தோடு போட்டுட்டா - தெனம்
தோடப் பாத்துத் தோடப் பாத்துத் தூக்கம் மறக்குறா
ஆமாம் தூக்கம் மறக்குறா

நாட்டு நெலமை இப்படியா ஆயிப் போச்சுடா
ஆமாம் ஆயிப் போச்சுடா - இந்த
நண்டும் குஞ்சும் ஊரை விக்க வெக்கம் ஆச்சுடா
நமக்கு வெட்கம் ஆச்சுடா

20140222
அழகு தமிழில்
ஆண்டாளை எடுத்துரைத்த
வைரமுத்துவை
பச்சைச் சொல் கக்கி
கொடுவாள் நீட்டி
சுடுரத்தம் கேட்டு
பித்துத் தலைகொண்ட
ஜோம்பிகளாய்க்
கொன்று தின்றீர்கள்

வருத்தம் தெரிவித்தபின்னும்
வறுத்தெடுத்தீர்கள்

ஆனால்
தமிழ்த்தாய் வாழ்த்தையே
அவமதித்த மடாதிபதி
விஜயேந்திரரை
என்ன செய்தீர்கள்?

தமிழ்த்தாய்வாழ்த்தை அவமதிப்பது
தமிழை அவமதிப்பதல்லவா
தமிழை அவமதிப்பது
தமிழ்க் கவிதாயினி
ஆண்டாளை அவமதிப்பதல்லவா?

ஆண்டாளின் பக்தர்களென்று
காட்சிதந்தவர்கள்
உண்மையில்
ஆண்டாள் பக்தர்கள்தாம்
என்றால்
உங்களின் நஞ்சுச் சொற்கள்
எங்கே
நரபலி வெட்டரிவாள்கள்தாம்
எங்கே எங்கே

உங்கள்
அரசியல் கூத்துக்கு
ஆட்சி பிடிக்கும் ஏய்ப்பிற்கு
ஏனடா ஆண்டாளை
பலியிட்டீர்கள்?

கவிஞர் புகாரி
யார் சொன்னது
தமிழ்
வயிற்றுமொழி  இல்லை
என்று

தமிழன்
தமிழ்நாட்டில்
தமிழ் படித்தால்
இல்லைதான்

ஆனால்
ஆங்கிலேயன்
ஆர்வர்டில்
தமிழ் படித்தால்
உண்டல்லவா

அன்புடன் புகாரி
20180123
செல்வத்தால் புலம்பெயர் நாட்டில் ஏழைகள் என்று எவருமே இல்லை
ஆனால் தமிழ்ப் பிள்ளைகளுக்குத் தமிழ் வேண்டுமா என்பதில் மிகுந்த வறுமையில் இருக்கிறார்கள்
கவிஞர் புகாரி
பாலைக்
கறந்துகொண்டே
காம்பறுக்கும்
உறவானாலும்

அம்மா
அம்மா
என்பதைத்தவிர

வேறென்ன
சொல்லப்போகிறது
பசு
அன்பின் மணி மணிவண்ணன், ஹார்வர்ட் தமிழ் இருக்கை நான் துவக்கம் முதலாகவே, ஆதரிக்கவும் முடியாமல் எதிர்க்கவும் முடியாமல் நடுவிலேயே நின்று கொண்டிருந்தேன். நாலும் தெரிந்த என் இனிய தமிழ்பற்று நண்பர்களாகிய நீங்கள் எல்லோரும் ஏதேனும் சிறந்த பயன்பாட்டைச் சொல்லி என்னை ஆதரவின் பக்கம் இழுப்பீர்கள் என்று நம்பினேன். ஆகையினால்தான் நான் தொடர்ந்து கேள்விகள் கேட்டேன். ஆனால் என்னை மீண்டும் அதே நிலைக்கே கொண்டு வந்து விட்டுவிட்டீர்கள் ஆகவே இப்போதும் ஆதரவும் இல்லை எதிர்ப்பும் இல்லை. நான் ஆதரிக்க இந்த இருக்கை எந்த பெரிய நல்லதையும் செய்யப் போவதில்லை நான் எதிர்க்க இந்த இருக்கை எந்த ஒரு கேட்டையும் தமிழுக்குச் செய்துவிடாது என்றும் நம்புகின்றேன். அப்படியே கேடிழைத்தாலும், அது வடமொழியர் செய்ததுபோல கேடாக்க வழியே இல்லை என்றும் நம்புகின்றேன். தமிழ் அறிந்த தமிழனுக்கு இயலாது தமிழே அறியாத ஆங்கிலேயனுக்குத்தான் இயலும் என்று தமிழர்கள் கைப்பட எழுதிக் கையெழுத்திட்டுக் கொடுக்கிறோமே என்ற கேட்டினைத் தவிர வேறு கேடு எனக்குப் பெரிதெனத் தெரியவில்லை. உண்மைத் தமிழர்களின் ஆறு மில்லியன் டாலர்களும் அயராத சேவைகளும் ஆங்கிலேயரின் ப…
தத்தளித்துத் தவிக்கிறாள்
தமிழ்த்தாய்

ஆழ்கடல் விழுந்து
உப்புநீர் விழுங்கி
மூச்சுமுட்டி

தத்தளித்துத் தவிக்கிறாள்
தமிழ்த்தாய்

கை கொடுத்துக்
காப்பாற்ற
ஒற்றைத் தமிழனும்
இங்கில்லையாம்

தத்தளித்துத் தவிக்கிறாள்
தமிழ்த்தாய்

கரையோரக் கூடத்தில்
தங்க இருக்கை ஒன்று
அவசர அவசரமாய்த்
தயாராகிறதாம் 

தாயவளோ
தத்தளித்துத் தவிக்கிறாள்
நடுக்கடலில்

மஞ்சள் பூசிக்
குங்குமம் இட்டு
மாலைகள் சூடி 
மலர்கள் தூவி
பறை மேளம் கொட்டி
மேற்கத்தியக் குத்தாட்டம்
ஆடிக் களிக்க

கரையோரக் கூடத்தில்
தங்க இருக்கை ஒன்று
அவசர அவசரமாய்த்
தயாராகிறதாம்

தாயவளோ
தத்தளித்துத் தவிக்கிறாள்
நடுக்கடலில்

கை கொடுத்துக்
காப்பாற்ற
ஒற்றைத் தமிழனும்
இங்கில்லையாம்

அன்புடன் புகாரி

அண்ணல் காந்தி
சுட்டுக் கொல்லப்பட்டார்

மறந்தே போன
ஒரு பழைய செய்தி

கட்டிக்காக்கும்
காவலர்கள் சுடப்பட்டு
தெருக்கள்தோறும் ஜோம்பிகளாய்

கண்கள் கட்டப்பட்ட
நீதி தேவதைகள் சுடப்பட்டு
முச்சந்திகளில் சவப்பெட்டிகளாய்

மனிதநேயம் தேடும்
நல்லிணக்கங்கள் சுடப்பட்டு
நட்டநடுவீதிகளில்
உறை ரத்தக் குன்றுகளாய்

மொத்தத்தில்
இந்தியா சுடப்பட்டு
குற்றுயிரும் குறையுயிருமாய்

கேட்டுக் கேட்டுப் பழகிப்போன
செய்திகளால்
எந்தப் புதுச்செய்திகளும்
அதிர்ச்சி அளிப்பதாகவே
இல்லை

இந்தியா வாழ்கிறது
இந்தியர்கள் மாண்டுவிட்டார்கள்



ஆயிரம் இருக்கைகள் அமைத்து
ஆய்வதைக் காட்டிலும்
சால உறு தவ நனி கூர் கழிச்
செயல் ...

ஆங்கோர் தமிழனுடன்
தமிழில் உரையாடி ...

தாய்நிலத் தெருக்களிலும்
தமிழ்வளர்ப் பாடங்களிலும்

புலம்பெயர் கூடுகளிலும்
புதுப்பிஞ்சு நாவுகளிலும்

வாழும் மொழியென
தமிழை
வாழவைப்பதே

அன்புடன் புகாரி
நான் ஆன்மிக அரசியலை விரும்புகிறேன். அது உண்மையான ஆன்மிக அரசியலாக இருக்க வேண்டும் என்று ஏங்குகிறேன் ஆன்மிக அரசியலென்றால் அப்பழுக்கில்லாத அறம் ஆட்சி செய்யும் அரசியல் என்று பொருள் எவனுமே இல்லாத நிலையில் அதை ஏன் நாம் ரஜினிக்குக் கொடுக்கக் கூடாது வச்சிக்கிட்டா வஞ்சகம் பண்ணுகிறோம்? மாற்று இல்லா நிலையில் வேற்று ஆள் ஆளட்டும் தமிழகத்தை அன்புடன் புகாரி
Image
TNTJ மற்றும் 'அஹ்லு குர்ஆன்' ஆட்கள் உங்களைக் கூப்பிடுகின்றார்கள். - Adirai Ahmad * யார் அவர்கள்? அவர்கள் ஏன் உங்களிடம் கூவி என்னை அழைக்கிறார்கள் ;-) அவர்களிடம் சொல்லுங்கள், நான் எந்தக் குறுகிய வட்டத்தினுள்ளும் சிக்க மாட்டேன். குறுகிய வட்டத்தினுள் சிக்கி இருப்பவர்களுக்கு மட்டுமே நான் வினோதமானவன். குறுகிய வட்டத்தினர் குமைவதற்கெல்லாம் நான் மசிந்துவிடமாட்டேன் என்றும் சொல்லுங்கள். லட்சம் குறுகிய வட்டங்கள் இருப்பினும், அத்தனைக் குறுகிய வட்டத்தையும் உள்ளடக்கிய பெருவட்டம் நான். இறைவனே என் எல்லை
அவனைக் காட்டித் தந்த நபி பெருமானாரே என் வழிகாட்டி இதை உரத்துச் சொல்லுங்கள்! அன்புடன் புகாரி

201405 குர்-ஆன் பாடல்

இஸ்லாமியப் பாடல் - குர்-ஆன் குர்-ஆன்

குர்-ஆன்.... குர்-ஆன்
ஏகனின் அருளே... ஏகனின் அருளே...

குர்-ஆன்.... குர்-ஆன்
ஏகனின் அருளே... ஏகனின் அருளே....

அருள்வழி... திருமொழி....
திருமொழி... அருள்வழி...

இறைவனின் ஒளிவழி
நபிகளின் குரல்வழி
நிறையுதே.....

*

அன்றுமுதல் இன்றுவரை
ஆயிரம் பேச்சு
அவனருளில் வந்ததெல்லாம்
காத்துல போச்சு

நாளும் ஓதுவார்
பொழுதும் ஓதுவார்
நூலில் ஒரு கேள்வி என்றால்
ஓடி ஒதுங்குவார்

யாரும் ஓதவே
ஓதி விளங்கவே
நாயன் குர்-ஆன்
நபிவழியே வந்ததல்லவா 

அன்றுமுதல் இன்றுவரை
ஆயிரம் பேச்சு
அவனருளில் வந்ததெல்லாம்
காத்துல போச்சு

உன் நாவினிலே தவழ்ந்தால்
    வெகு காலம் நெஞ்சில் வாழும்
உன் கண்களிலே நிறைந்தால்
    சிறு உள்ளம் பெரியதாகும்
உன் கருத்தினிலே பதிந்தால்
    இந்த வையம் கையில் அடங்கும்
உன் பெட்டிக்குள்ளே பூட்டியதால்
    பேரருளை இழந்தாய்

அந்த ஏக இறைவன் தந்த
    அருள் வேத நூல் இது
அட இன்று மூடி வைத்தால்
    பின் என்று திறப்பது 
ஒரு பாதை இன்றி பயணம் இன்றி
    எந்த இடத்தைச் சேர்வது

நாளும் ஓதுவார்
பொழுதும் ஓதுவார்
நூலில் ஒரு கேள்வி என்றால்
ஓடி ஒதுங்குவார்

யாரும் ஓதவே
ஓதி விளங்கவே
நாயன் குரான்
நபிவழியே வந்…
ஏறுதழுவுதல் - ஜல்லிக்கட்டு விலங்குகளோடு விளையாடுவது்
இயற்கையோடு இயைந்த வாழ்வு மனிதனும் மனிதனும்
மல்யுத்தம் செய்வதுபோல்
காளைகளோடும் மல்லுக்கு நின்றால்
பிழையே இல்லை ஆனால்
அன்பு பாராட்டாமல்
பாசத்தோடு விளையாடாமல்
மிருகம் என்று தாழ்வாய் எண்ணி
வதை செய்து கொன்றால்
அது மரணக்குற்றம்தான்
உயிரை
இழக்கவே முடியாது
ஆனால்
இழந்துதான் ஆகவேண்டும்
மரணம் தோற்பதே இல்லை துக்கத்தைப்
பெறவே முடியாது
ஆனால்
பெற்றுத்தான் ஆகவேண்டும்
கொடுந்துயர் வலுக்கட்டாயமானது கண்மூடி மண்மூடி
முடிந்தாயிற்று

நெற்றிமூடி நித்திரைமூடி
அழுதாயிற்று

நெஞ்சுமூடி நினைவுமூட
வழியில்லை

காட்சிமூடி கண்ணீர்மூட
முடியவில்லை

செய்திகேட்டதும்
நெருப்பில் ஏறிப் பறந்து வந்தேன் ஈமச்சடங்கு செய்துவிட்ட
ஈரக்கையுடன் எழுதுகிறேன் நீங்கள்
மிகவும் உறுதியாகக் கட்டப்பட்ட
கோட்டைகளில் இருந்தாலும்
மரணம்
உங்களை வந்தடைந்தே தீரும்
- குரான் 4:78 இன்னாலில்லாஹி
வ-இன்னா இலைஹி ராஜிவூன் இறைவனிடமிருந்து வந்தோம்
இறைவனிடமே செல்கிறோம் இறைவன் அவனைத்
தன் மடியில் ஏந்திக்கொள்ளட்டும் ஆமீன்