Posts

Showing posts from March, 2009

உயிர் தழுவும் தமிழாகிடுமா?

கவியரங்க மேடை ஏறிவிட்டாலே சந்தம் தரும் சுகத்தை வேறு எதுவும் தந்துவிடாது. அப்படியோர் கவியரங்க மேடையில் தமிழையும் தமிழரையும் போற்றிப் பாடியது

நாரெல்லாம்
வண்ணமலர்தான்
ஆனால்
நறுமல்லிப் பூவாகிடுமா

வேரெல்லாம்
சுகவாசந்தான்
ஆனால்
வெட்டிவேரைப்
போலாகிடுமா

மாரெல்லாம்
வீரமுரசுதான்
ஆனால்
மறத்தமிழன்
வெற்றியாகிடுமா

ஊரெல்லாம்
மொழிநூறுதான்
ஆனால்
உயிர்தழுவும்
தமிழாகிடுமா

*

சபிப்பதைத் தள்ளிப் போடுங்கள்
பாராட்டுதலை அள்ளிப் போடுங்கள்
நன்றி சொல்லி நன்றி சொல்லி
நாளெல்லாம் உள்ளம் துள்ளுங்கள்