வன்முறையாளர்கள் மனிதர்கள் இல்லை

மனிதர்கள் மட்டுமே ஓர் இனத்தில் இருக்கமுடியும்

மனிதர்கள் மட்டுமே ஒரு மதத்தில் இருக்க முடியும்

மனிதர்கள் மட்டுமே ஒரு சாதியில் இருக்கமுடியும்

வன்முறையாளர்கள் மனிதர்கள் இல்லை

அன்புடன் புகாரி

இந்தியாவில் ஒரு வருடம் செய்த ஊழலில் இருந்து 1% எடுத்துக்கொடுத்தால்

அல்லது

தமிழ்நாட்டில் ஒரு வருடம் செய்த ஊழலில் இருந்து 10% எடுத்துக் கொடுத்தால்

கஜா புயல் மிதித்துப் போட்ட டெல்டா பகுதி மீண்டும் சொர்க்க பூமியாகும்

அன்புடன் புகாரி

கருத்துச் சொல்ல வருபவர்களை உங்கள் மதம் சாதி இனம் அறிந்து அதைவைத்துத் தாக்க வருவார்கள் கிருமிகள்.

தளர்ந்துவிடாதே!
மகிழ்ந்துகொள்!

ஏனெனில்....

உன் கருத்து வலிமையானதாய் இருக்கிறது என்று பொருள்.

வேறு ஏதும் மறுமொழி இட முடியாமல் உள்ளுக்குள் குமைந்து உடலெல்லாம் ஆடிப் போய் வெலவெலத்து நிற்கிறார்கள் என்று பொருள் ;-)

அன்புடன் புகாரி

மச்சான்,

நம் பிள்ளைகளைக் காப்பதற்கான ஒரே வழி, வீட்டில்

குடும்ப அன்பும், 
இஸ்லாம் தரும் அறமும்,
தமிழ் தரும் பண்பாடும்தான்.

அந்த அரணுக்குள் நுழைவது எளிதல்ல.

நாங்கள் இங்கே கனடாவில் ஊரில் வாழ்வதைவிட பாதுகாப்பாக நன்றாகவே வாழ்கிறோம்.

அன்புடன் புகாரி

குடும்பம் என்பதை உணர முதலில் அன்பு வேண்டும்

உழைப்பு இல்லாதவர்கள் குடும்ப அரசியல் செய்து பிழைப்பார்கள்

அதைத் தடுக்க அறிவும் தலைமையும் அவசியம்

அன்புடன் புகாரி
20171208

இள மனதில் பதியும் சில நம்பிக்கைகளுக்குப் பொருள் கிடையாது

பொருள் புரியும்போது முதிர்ச்சியின் வருகையால் ஓர் அமைதி வந்து ஒட்டிக்கொள்ளும்

புன்னகை மிளிரும்

குற்றம் ஒருபோதும் 
பாதுகாப்பாகாது
இன்னொரு 
பெரிய குற்றத்திற்கான 
வேராகவே 
அது வளரும்

இது
தமிழ்நாடு
தமிழின் நாடு
தமிழனின் நாடு

இங்கே வேண்டாம் இந்தி திணிக்கும்
நவோதய வித்யாலயா

பள்ளியின் பெயரிலேயே இத்தனை இந்தித் திணிப்பா?

அன்புடன் புகாரி

தமிழ்நாடு தனிநாடாவதை மத்திய அரசு கட்டாயப்படுத்துகிறது

அன்புடன் புகாரி

வாய்
திறந்தே கிடந்தால்
செவிகள்
செயலிழந்து கிடக்கும்

வாயடைத்துச்
செவி திறந்தால்
அன்பும் அறிவும்
வளரும்

செவியடைத்து
வாய் திறந்தால்
வம்பும் துன்பமும்
வளரும்

பழக்கம்

வலிமையானது

ஆயின்

உண்மை

அனைத்தைக் காட்டிலும்

வலிமையானது

உண்மையறிவோம்

உயர்வோம்

- அன்புடன் புகாரி

ஹார்மோனின் தவிப்புகள்
காதலுக்கு உகந்தவை
கவிதைகளுக்கும்

கல்லைச்

செதுக்கினால்

சிலை

மனதைச்

செதுக்கினால்

வாழ்க்கை

அன்புடன் புகாரி

சொத்தின் பற்றில் 
உறவுகளை 
அறுத்துக்கொள்வதைவிட

உறவின் பற்றில்
சொத்துக்களை 
அறுத்துக்கொள்வது
எவ்வளவோ மேல்

அன்புடன் புகாரி
20160226

7 ஆகஸ்ட் 15

சுதந்திரமாக
இன்று
என்ன செய்யலாம்
என்று கேட்டு
என் மனைவியின்
உத்தரவிற்காகக்
காத்திருக்கிறேன்

அச்சமற்ற நிலையே
நட்பின் அடித்தளம்

நட்பு பதிந்த முகங்களில்
ஞாபகங்கள் ஓய்வதே இல்லை