இனியும் ஏன்
அரசியல்வாதி அரசியல்வாதி என்று
 தப்பும் தவறுமாய் நாம்
சொல்லித் திரியவேண்டும்
பெரு வியாபாரிகள் என்று
சரியான பெயர் சொல்லியே
அழைத்தால் என்ன
முதலே போடாமல்
முதல் எடுக்க
எத்தனைப் பாடுபட்டு
ராப்பகலாய் உழைக்கிறார்கள்
அவர்களின்
விளம்பரயுத்திகளின் தரம்
யாருக்கு வரும்
அவர்களின்
கூட்டுப்பணி (டீம் ஒர்க்) தான்
எத்தனை அபாரமானது
அவர்களின்
நிறுவன வளர்ச்சியும்
பெருலாப நோக்குப் பார்வைகளும்
எத்தனை வலிமையானவை
எதைக் கொடுத்தாலும்
விற்றுத் தீர்ப்பார்கள்
நேர்மை
பண்பு
நாட்டின் வளர்ச்சி
மக்கள் முன்னேற்றம்
என்று
எதை வேண்டுமானாலும்
கொடுத்துப் பாருங்கள்
அடுத்த நொடியே
மிக நல்ல விலைக்கு
விற்றுத் தீர்ப்பார்கள்
ஓட்டு என்ற
வணிக உரிமம் பெற
ஒற்றைக் காலில் நிற்பார்கள்
ஒழுக்கத்தை ஏலம்விடுவார்கள்
உண்மையை விற்பார்கள்
எந்த விலையும் தந்து
பெற்றுத்தான் ஓய்வார்கள்
இனியும்
இந்த வணிகமணிகளை
அரசியல்வாதிகள்
என்று
பிழையாக அழைத்து
அவர்களின் பிழைப்பை
கொச்சைப் படுத்தாதீர்கள்
பெரு வணிகர்கள் என்றே
கௌரவப்படுத்துங்கள்
- அன்புடன் புகாரி

Comments

Popular posts from this blog

பொங்கல் புத்தாண்டு வாழ்த்துக்கள்

அன்புடன் உங்களை அன்புடன் வரவேற்கிறது

சென்னை விழா நன்றியுரை

பிறந்தநாள் வாழ்த்துக்கள்

Ilayaraja Toronto 16 Feb 2013 (Part 1) - இளையராஜா டொராண்டோ

மகளின் பிறந்தநாள் வாழ்த்து

உடல் எடையைக் குறைக்க உருப்படியான வழிகள்

கிறிஸ்துமஸ் வாழ்த்துக்கள்

கள்ளக்காதல் - கள்ளக்கனியே அள்ளச்சுவையே