வசீகரம் வாய்க்கரிசி


இந்தக் காலையே
தெளிந்ததாய் இருக்கட்டும்
கெட்ட கனவுகள்
தொலைந்ததாய் நொறுங்கட்டும்

எரியும் காயத்தைக்
காலமும் விழுங்கட்டும்
புத்திக் கவசங்கள்
நெஞ்சோடு நிலைக்கட்டும்

கிளைகளில் காற்றுக்கு
ஊஞ்சல் வேண்டும்
இலைகளில் மழைக்கு
முத்தம் வேண்டும்

யாருக்கு நீ வாழும்
வேர் வேண்டும்
வேர்காக்கும் சேற்றையே
மரம் வேண்டும்

மாயைகள் எப்போதும்
கண் சிமிட்டும்
மரணத்தின் கரமதில்
மறைந்திருக்கும்

வசீகரம் வேறென்ன
வாய்க்கரிசி
துணைக்கரம் ஒன்றுதான்
தாய்க்குருவி

Comments

//கிளைகளில் காற்றுக்கு
ஊஞ்சல் வேண்டும்
இலைகளில் மழைக்கு
முத்தம் வேண்டும்//

அருமையான சிந்தனையில் விளைந்த அடிகள்.

வாய்க்கரிசி போன்ற அமங்கலச் சொற்களை கவிஞன் தவிர்ப்பது நலம். உவமைகளிலும் உயர்ந்த உவமைகள் வேண்டும்.

உவமை என்பது உயர்ந்ததின் மாட்டே ! இது எழுதாத இலக்கணம். சிந்திக்கலாம்.
அது ஒரு கொடுமையான மனோநிலை சீனா. அந்த மனோநிலையை அப்படியே பதிவு செய்திருக்கிறேன். சித்தர்களின் சினம்போல என்று எடுத்துக்கொள்ளுங்களேன் :)

Popular posts from this blog

பொங்கல் புத்தாண்டு வாழ்த்துக்கள்

அன்புடன் உங்களை அன்புடன் வரவேற்கிறது

சென்னை விழா நன்றியுரை

பிறந்தநாள் வாழ்த்துக்கள்

மகளின் பிறந்தநாள் வாழ்த்து

Ilayaraja Toronto 16 Feb 2013 (Part 1) - இளையராஜா டொராண்டோ

உடல் எடையைக் குறைக்க உருப்படியான வழிகள்

கிறிஸ்துமஸ் வாழ்த்துக்கள்

கள்ளக்காதல் - கள்ளக்கனியே அள்ளச்சுவையே