உன்னை நீ நேசித்தால்...

யாரோ உன்னை
நேசிக்கலாம்
யாரோ உன்னை
வெறுக்கலாம்

சிலர் நேசிப்பதால்
சில புன்னகைகள் உன் தோட்டதை
மணங் கமழச் செய்யலாம்

ஆனால்
எவரோ உன்னை வெறுப்பதால்
உன் வேர்கள் ஒருக்காலும்
நீரின்றிப் போகப்போவதில்லை

நேசிப்போர் நேசிக்கட்டும்
வெறுப்போர் வெறுக்கட்டும்
பெருவிளைவு அதிலேதுமில்லை

ஆனால்
உன்னை நீ நேசிக்கிறாயா
என்பதில்தான் இருக்கிறது
அறிவு அறிவு பேரறிவு

ஏனெனில்
நீ நேர்மறையாய்
நெஞ்சு நிமிர்த்தி நிற்பதென்பது
வெளியிலிருந்து உள்ளே வருவதில்லை
உனக்கு உள்ளிருந்துதான்
வெளியே வருகிறது

அந்த உள்
உருவாவது
வேறு எவற்றாலோ
அல்ல
உன்னை
நீ
நேசிக்க நேக்கத்தான்

அன்புடன் புகாரி