201302 குழந்தை பாடல் - நத்தக்குட்டி

அஞ்சு குட்டிக் குரங்கு குதி குதின்னு
அத்தா மெத்தை மேல குதிச்சிருச்சாம்
ஒத்தை குட்டிக் குரங்கு காலொடஞ்சி
  ஓரமா உக்காந்து அழுதுடுச்சாம்

அத்தா வந்து அதட்ட
அம்மா குச்சை எடுக்க
ஆம்புலன்சு வண்டியும்
வந்துடுச்சாம்

ரெண்டு தையல் போட்டு
நாலு ஊசி குத்தி
எட்டு நாள் மருந்து
முழுங்குனுச்சாம்

இனி எந்தக் குரங்கும் மெத்த மேல
எப்பவும் குதிக்கக் கூடாதுன்னு
மாமா வந்து மடியில அள்ளியெடுத்து
அன்பா பண்பா சொல்லிட்டாராம்

நாலு குட்டிக் குரங்கு குதி குதின்னு
அம்மா மெத்தை மேல குதிச்சிருச்சாம்

மூணு குட்டிக் குரங்கு குதி குதின்னு
மாமா மெத்தை மேல குதிச்சிருச்சாம்

ரெண்டு குட்டிக் குரங்கு குதி குதின்னு
டாடி மெத்தை மேல குதிச்சிருச்சாம்

ஒத்தைக் குட்டிக் குரங்கு குதி குதின்னு
நத்தக்குட்டி மெத்தை மேல குதிச்சிருச்சாம்
 

No comments: