பின்நவீனத்துவக் கவிதைகள்


விரைவில் நான் எழுதிய பின் நவீனத்துவக் கவிதைகளை எல்லாம் முகநூலில் இடப் போகிறேன்
*
நான் எழுதிய பின் நவீனத் துவக் கவிதைகளை முகநூலில் இடப்போகிறேன் என்று சொன்னதும் எல்லோரும் பிடிச்சிருக்கு, பிடிச்சிருக்கு என்று சரசரவென்று சொடிக்கிவிட்டீர்கள், நன்றி.

ஆனால் நான் இடும் கவிதை பின் நவீனத்துவக் கவிதைதானா என்று எப்படித் தெரிந்துகொள்வீர்கள்?

பின் நவீனத்துவக் கவிதை என்றால் இப்படித்தான் இருக்கும் என்று தெரிந்தவர்கள் கொஞ்சம் முன்னுரை தாருங்களேன் என் பின் நவீனத் துவக் கவிதைகளுக்கு.

தருவீர்களா?
*
பின்நவீனத்துவம் என்றால் என்ன என்று தெரிந்துகொண்டால்தானே நாம் பின் நவீனத்துவக் கவிதையை ரசிக்க முடியும்?

பின் நவீனத்துவம் என்பது....

----ஒரு தத்துவ சிந்தனை அல்ல.
----ஒரு வலுவான தரப்பு அல்ல.
----ஒரு எழுத்துமுறை அல்ல.
----ஒரு பொதுப்போக்கு (Trend) மட்டுமே.

என்று ஜெய மோகன் கூறுகிறார்.

யாருக்காவது சந்தேகம்?
*
பின்னவீனத் துவம் என்பது ஒரு தத்துவச் சிந்தனை அல்ல - ஜெயமோகன்.

பிறகென்ன, இதுவரை என்ன தத்துவம் கொண்டு எதை எழுதிக்கொண்டிருந்தீர்களோ அவையெல்லாம் பின்னவீனத் துவப் படைப்புகள் அல்ல.

அவை அத்தனையும் பின் நவீனத்துவப் படைப்புகள் அல்ல என்று நீக்கிவிடுங்கள்.
*
பின்நவீனத்துவம் என்பது ஒரு வலுவான தரப்பு அல்ல - ஜெயமோகன்

அப்படியென்றால் வலுவிழந்த தரப்பு என்றுதானே அர்த்தம். என்றால் பின்நவீனத்துவக் கவிதை எழுதுவது எப்படி. வலுவில்லாத தரப்புகளை எங்கே என்று தேடுவது.

நாம் எழுதும் எதுவும் வலுவானதாக இருத்தல் கூடாதே!

அதற்காக அது அப்படியே சாரமிழந்து சக்தியிழந்து சொல்லிழந்து சுவையிழந்து என்றா நினைக்கிறீர்கள்?

அதுதான் இல்லை...
...
என்றால் பின் நவீனத்துவக் கவிதை எப்படித்தான் இருக்க வேண்டும்?

பின் நவீனக் கவிதை ஒரு வலுவான தரப்பினைக் கொண்டிருக்கக் கூடாது ஏனெனில் அது ஒரு தத்துவச் சிந்தனையே அல்ல. அப்படித்தானே ஜெயமோகன் சொல்கிறார்.

அப்போ எது பின்னவீனத்துவக் கவிதை?

*
பின்நவீனக் கவிதை எழுத வாரீகளா?

நான் ஆயத்தம் நீங்கள் ஆயத்தமா?

பின் நவீனத்துவம் என்பது ஒரு தத்துவ சிந்தனை அல்ல, ஒரு வலுவான தரப்பு அல்ல, ஒரு எழுத்துமுறை அல்ல., ஒரு பொதுப்போக்கு (Trend) மட்டுமே என்கிறார் ஜெயமோகன்.

Postmodenism என்ற மேலை நாட்டுச் சரக்குதான் இந்த பின்நவீனத்துவம்.

சென்றிடுவீர் எட்டுத் திக்கும், கலைச் செல்வங்கள் யாவுங் கொணர்ந்திங்கு சேர்ப்பீர் என்று பாரதி நமக்கெல்லாம் கட்டளையிட்டிருக்கிறான்.

ஆகவே மேலைநாட்டுச் சரக்கு என்றாலும் அதன் தரம்பார்த்து ஏற்புடையதெனில் அதைத் தமிழுக்குள் அழைத்துக் கொள்வது தமிழராகிய நம் கடமை. இதில் மாற்றுக் கருத்தே இல்லை.

ஆனால் அப்படியே சரக்கோடு சரக்காக, நீங்களும் உங்கள் வேர்களை அறுத்துகொண்டு ஓடிப்போகாதிருந்தால், ஒழிந்துபோகாதிருந்தால், சோரம்போகாதிருந்தால் சரி.

பின்நவீனத்துவம் என்பது ஒரு தத்துவச் சிந்தனை அல்ல என்கிறார் ஜெயமோகன். ஆகவே என்ன எழுதுகிறோம் என்ற கவலை உங்களுக்கு வேண்டாம்.

பின்நவீனத்துவம் என்பது ஒரு வலுவான தரப்பு அல்ல என்கிறார் ஜெயமோகன்.

என்றால் எந்தத் தரப்பும் அதற்கு ஏற்புடையதுதான் என்றாகிறது. ஆகவே உங்கள் நடைமுறைக் கவிதைகளை நீங்கள் மாற்றிக்கொள்ளாமலேயே பின்நவீனக் கவிதைகளைப் படைக்க இயலும் என்றாகிறது.

பின்நவீனத்துவம் என்பது ஒரு எழுத்துமுறை அல்ல என்கிறார் ஜெயமோகன்.

அதாவது நீங்கள் பூடகமாக எழுதத் தேவையில்லை. சிக்கலான வாக்கிய அமைப்புகளால் தமிழைச் சிதைக்கத் தேவையில்லை. சொந்த நாட்குறிப்புப்போல எழுதத் தேவையில்லை. களவுப் பூனையாய் வார்த்தைக்கு வார்த்தை மொழிபெயர்த்து ஒன்றுமே புரியாத, உங்களுக்கே விளங்காத கவிதைகளை(?) எழுதத் தேவையில்லை.

பின்நவீனத்துவம் என்பது ஒரு பொதுப்போக்கு (Trend) மட்டுமே என்கிறார் ஜெயமோகன்.

அப்படியா? இதுவரைக்கும் எல்லாம் புரிந்தது. இது புரியவில்லையே என்கிறீர்களா? அது என்ன பொதுப்போக்கு (ட்ரெண்டு) என்று முடி எழுந்து நிற்கின்றனவா? கவலை வேண்டாம் அதையும் நாம் கண்டுபிடித்துவிடுவோம்.

இந்த ட்ரெண்டு என்று சொல்வது ஒரு காலத்தில் இருக்கும் பின் இன்னொரு காலத்தில் மாறும் பின் பழைய ட்ரெண்டே புதிய முகத்தோடு மீண்டும் வரும்.


குடுமி கிராப்பாகி மொட்டையாகி நீள் முடியாகி மீண்டும் குடுமியாகி என்ற எத்தனை ட்ரெண்டை முடியில் பார்த்துவிட்டோம்?

அப்படியே மாத்திக்கொண்டே போகவேண்டியதுதான். இன்று மொட்டைதான் ட்ரெண்ட் என்றால் மொட்டைக் கவிதை எழுதுங்கள். அதுதான் பின்நவீனத்துவக் கவிதை என்று கொள்ளலாம் என்று தோன்றுகிறதா இல்லையா உங்களுக்கு?

Comments

Popular posts from this blog

பொங்கல் புத்தாண்டு வாழ்த்துக்கள்

அன்புடன் உங்களை அன்புடன் வரவேற்கிறது

சென்னை விழா நன்றியுரை

பிறந்தநாள் வாழ்த்துக்கள்

Ilayaraja Toronto 16 Feb 2013 (Part 1) - இளையராஜா டொராண்டோ

உடல் எடையைக் குறைக்க உருப்படியான வழிகள்

மகளின் பிறந்தநாள் வாழ்த்து

கிறிஸ்துமஸ் வாழ்த்துக்கள்

கள்ளக்காதல் - கள்ளக்கனியே அள்ளச்சுவையே