விழிகள் மலர்வதற்காய்
ஒத்திகை பார்க்கும்
ஒவ்வோர் அதிகாலைப் பொழுதிலும்

அமைதிக்குள்
அழகாய் உறங்கும்
உங்கள் படுக்கைக்குப் பக்கத்தில்
புத்தம் புதுப் பறவைகள் இரண்டு
காத்திருக்கின்றன
உங்களுக்கே உங்களுக்காக

ஒன்று
உங்களை அப்படியே
அலாக்காகத் தூக்கிக்கொண்டு
மிதந்து மிதந்து
விழிகளைப் பொற்திரைகளாக்கும்
மாயக் கனவுகளுக்குள்
உங்களைக்
கசங்காமல் ஏற்றிச் செல்லக்
காத்திருக்கும்
பூஞ் சிறகுப் பறவை

மற்றது
உங்களின் அற்புதக் கனவுகளை
நனவாக்கும் மெய்வெளிப் பரப்பில்
உங்களைக் கம்பீரமாய் ஏந்திக்கொண்டு
உயரே உயரே எழுந்து
சக்தி தெறிக்கப் பறக்கக் காத்திருக்கும்
வைரச் சிறகுப் பறவை

சட்டெனச் சொல்லுங்கள்
எந்தப் பறவையில்
உங்கள் பயணம்?

Comments

Popular posts from this blog

பொங்கல் புத்தாண்டு வாழ்த்துக்கள்

அன்புடன் உங்களை அன்புடன் வரவேற்கிறது

சென்னை விழா நன்றியுரை

பிறந்தநாள் வாழ்த்துக்கள்

Ilayaraja Toronto 16 Feb 2013 (Part 1) - இளையராஜா டொராண்டோ

உடல் எடையைக் குறைக்க உருப்படியான வழிகள்

கிறிஸ்துமஸ் வாழ்த்துக்கள்

கள்ளக்காதல் - கள்ளக்கனியே அள்ளச்சுவையே

மகளின் பிறந்தநாள் வாழ்த்து