****3 

வெட்டிப் பயல்கள் பேச்சு

முட்ட வருது மாடு
கொஞ்சம் எட்டி நில்லு ராசா
வெட்டி முட்டு முட்டி
சும்மா வேதனை ஏன் ராசா

வட்ட நிலா ஊரும்
அந்த வனப்பு உயிரில் ஏறும்
சிட்டு விழிகள் கூடும்
சின்னச் சிறகு விரித்து ஆடும்

கெட்ட உள்ளம் காணும்
கண்ணு கொள்ளிக் கட்டை ஆகும்
எட்டு ஊரு கூட்டி
பொழுதும் ஏளனந்தான் பேசும்

விட்டு விலகு ராசா
மெல்ல வஞ்சம் மாறும் லேசா
கொட்டுந் தேளின் காதில்
கேட்கும் குரலும் உண்டோ ராசா

மொட்டு ஒண்ணு பூக்கும்
வாசம் மொத்தத் தெருவும் வீசும்
வெட்டிக் காம்பு வெடிக்கும்
கொடிய விசத்தை அள்ளிப் பூசும்

திட்டும் வாயின் கொட்டம்
என்றும் எட்டு நாளில் தீரும்
திட்டம் இட்ட எழுத்து
மண்ணில் தொன்று தொட்டு வாழும்

வெட்டிப் பயல்கள் பேச்சு
சேற்றில் வெட்கம் இன்றிப் புரளும்
ஒட்டு மொத்த உலகோ
உன்றன் ஒற்றை வரியில் புலரும்

கெட்டித் தேனைத் தொட்டு
நாளும் பட்டுக் கவிதை எழுது
வட்டியோடு சேர்த்து
இந்த வானம் தாண்டி உனது

Comments

சாந்தி said…
> முட்ட வருது மாடு
> கொஞ்சம் எட்டி நில்லு ராசா
> வெட்டி முட்டு முட்டி
> சும்மா வேதனை ஏன் ராசா
>
> வட்ட நிலா ஊரும்
> அந்த வனப்பு உயிரில் ஏறும்
> சிட்டு விழிகள் கூடும்
> சின்னச் சிறகு விரித்து ஆடும்
>
> கெட்ட உள்ளம் காணும்
> கண்ணு கொள்ளிக் கட்டை ஆகும்
> எட்டு ஊரு கூட்டி
> பொழுதும் ஏளனந்தான் பேசும்
>
> விட்டு விலகு ராசா


அதேதான் ஆசான்.. நாம் வாசிக்க கற்க வேண்டியவை ஏராளம்.. உபயோகமான நல்லவை
மட்டுமே நம் கண்ணில் படும்படி செய்துகொள்வோம்..

வெட்டிக்கதைகள் போரடித்து தாமே நிப்பாட்டுவார்கள்.. ஆசை தீர
வம்பளக்கட்டும்..அது நம் தேவை அல்ல..

நீங்க , உங்க எழுத்து இன்னும் மிக உயர்வானவை பற்றியே
சிந்திக்கணும்..உயரம் செல்லணும்..

நமக்கு மட்டுமல்ல நம் சந்ததியினருக்கும் வழிகாட்டியாய்..

Popular posts from this blog

பொங்கல் புத்தாண்டு வாழ்த்துக்கள்

அன்புடன் உங்களை அன்புடன் வரவேற்கிறது

சென்னை விழா நன்றியுரை

பிறந்தநாள் வாழ்த்துக்கள்

Ilayaraja Toronto 16 Feb 2013 (Part 1) - இளையராஜா டொராண்டோ

உடல் எடையைக் குறைக்க உருப்படியான வழிகள்

மகளின் பிறந்தநாள் வாழ்த்து

கிறிஸ்துமஸ் வாழ்த்துக்கள்

கள்ளக்காதல் - கள்ளக்கனியே அள்ளச்சுவையே