கோபம் இறைவன் தந்த வரம்

கோபம் கொள்ளுதல் வேண்டும்

இல்லாவிட்டால்

கற்சிலைக்கும் மனிதருக்கும்

வித்தியாசமில்லை

v   

சித்தார்த்தர் கோபப்பட்டார்

அன்பு வளர்த்தார்

காந்தி கோபப்பட்டார்

சுதந்திரம் பெற்றுத்தந்தார்

பாரதி கோபப்பட்டார்

புரட்சிக் கவிதை எழுதினார்

v   

கோபம் இல்லா இதயத்தில்

நியாயம் இருக்க வாய்ப்பில்லை

கோபம் இல்லாக் கண்களில்

கருணை இருக்க வாய்ப்பில்லை

கோபம் இல்லா எதிர்பார்ப்பில்

அன்பிருக்க வாய்ப்பில்லை

கோபம் இல்லா உடலில்

வீரம் இருக்க வாய்ப்பில்லை

கோபம் இல்லாக் குணத்தில்

கற்பிருக்க வாய்ப்பில்லை

v   

கோபத்தை

வெளிக்காட்டுவதில்

அளவற்ற

நாகரிகம் வேண்டும்

ஆனால்

கோபமற்ற பிணமாய்

ஒருநாளும்

ஆகிவிடக்கூடாது

v   

கோபம் வந்தவன்தான்

நேர்மையை நிரூபிக்கிறான்

கோபம் வந்தவன்தான்

போட்டியில் வெல்கிறான்

கோபம் வந்தவன்தான்

சுயமறியாதை உயர்த்துகிறான்

கோபம் வந்தவன்தான்

சுதந்திரக்கொடி ஏற்றுகிறான்

v   

ரத்தம் கொதித்தால்தான்

வக்கிரங்கள் வெந்துமடியும்

அறிவு கொதித்தால்தான்

ஆராய்ச்சிகள் வெற்றிபெறும்

அன்பு கொதித்தால்தான்

உறவுகள் வலுப்படும்

உயிர் கொதித்தால்தான்

வாழ்க்கை உண்மையாகும்

v   

கோபம் கொள்ளுதல் வேண்டும்

இல்லாவிட்டால்

கற்சிலைக்கும் மனிதருக்கும்

வித்தியாசமில்லை