நண்பன்தான்

ஒரு நண்பன்தான்
உன் வெளிர்ரோசா உதடுகளில்
உன் அனுமதிக்குக் காத்திருக்காமல்
ஒரு சிகரட்டை
ஆதிமுதலாய்த் திணிக்கிறான் 

ஒரு நண்பன்தான் 
உன் மறுப்புகளை நிராகரித்து 
அச்சங்களை அழித்தெடுத்து
உன்முன்
ஒரு போத்தலை
ஆதிமுதலாய்த் திறக்கிறான்

ஒரு நண்பன்தான் 
உன் கூச்ச உணர்வுகளைக் 
கொன்றழித்து
அறிமுகமே இல்லாத 
அந்த வார்த்தையை
உன் செவிகளில்
ஆதிமுதலாய்க் கொட்டுகிறான்

ஒரு நண்பன்தான்
உன் பருவ ராகங்களைக்
கொதிப்பாய்த் தகிப்பாய் 
திரித்தெடுத்து
மேடுபள்ளத் தாக்குகளில்
பிடித்துத் தள்ளிவிடுகிறான்

இப்படியாய்..... 

ஆதிமுதலாய் 
ஆதிமுதலாய்
அத்தனைக் கேடுகளையும்...

நண்பர்களே
நீங்கள் நல்லாவே 
இருக்க மாட்டீர்களடா

அன்புடன் புகாரி


No comments: