முகிலின் துப்பட்டாவுக்குள்
முத்தமிட்டேன் நனைந்தேன்
நான் சூரியனாய்ச் சூடானேன்
என் உயிருக்குள் கருவானேன்

நேற்று வரை நானும் ஒரு கூழாங்கல்
இன்று முதல் யோகங்களின் வைரக்கல்
என்னைவிட்டுப் போகாதே
உயிரின் கரு கலைவது கூடாதே

நெருப்புக்குள் விழுந்து நான் நனைகிறேன்
நீருக்குள் நின்று நான் எரிகிறேன்
வானத்தின் வரப்புகளில் நடக்கிறேன்
பூமிப்பந்தின் உள்ளுக்குள் பறக்கிறேன்

கண்டு கொண்டேன்
உன்னை நான் நேசிக்கின்றேன்
கண்கள் போகும் பாதை எல்லாம்
நீயே கண்டேன்

காற்றுக்குள்
என் சுவாசத்தைக் காணவில்லை
கண்மணியே உன் காதல் இன்றி
மூச்சே இல்லை