கடைந்தெடுத்த சொற்களால்
உனக்கொரு கவிதை எழுத வேண்டும்

எந்த சொற்களுக்கு அந்த
அதிர்ஷ்டம் வாய்த்திருக்கிறதோ
ஒவ்வொன்றும் வெகு வனப்பாய்
வசீகரப்படுத்திக்கொண்டு
வரிசையில் நின்று தவிக்கின்றன

தேர்வாகாமல் தேம்பியழப்போகும்
எச்சொல் பற்றியும்
யாதொரு கவலையுமில்லை எனக்கு

வென்றுவரும் சொற்களை
எப்படி இணை வைப்பது
என் பேரழகிக்கு என்ற கவலையில்தான்
தலையோடு தகராறாய் தடுமாறிக்கிடக்கிறேன்